दि मॉडेल इंग्लिश स्कूल, सैतवडेची राष्ट्रीय स्तरावर सलग दुसरी 'धडक'

2025-11-02 00:00:00

टाइम्स स्पेशल

रत्नागिरी: मुस्लिम एज्युकेशन सोसायटी संचलित दि मॉडेल इंग्लिश स्कूल, सैतवडे या शाळेच्या विद्यार्थ्यांनी क्रीडा क्षेत्रात पुन्हा एकदा मोठे यश संपादन केले आहे. सलग दुसऱ्या वर्षी या शाळेतील तीन विद्यार्थ्यांची 'डॉजबॉल' या क्रीडा प्रकारात राष्ट्रीय स्तरावर निवड झाली आहे. या दैदिप्यमान यशाबद्दल सैतवडे परिसरात आणि शैक्षणिक वर्तुळातून विद्यार्थ्यांचे व शाळेचे कौतुक होत आहे. शाळेतील कुमारी नंदीनी रवींद्र जाधव, कुमारी धनश्री नारायण बळकटे आणि कुमार पूजन रमेश धातकर या तीन होतकरू खेळाडूंनी राष्ट्रीय स्तरावर आपले स्थान निश्चित केले आहे. या विद्यार्थ्यांच्या निवडीमुळे शाळेचा गौरव वाढला असून, ग्रामीण भागातील विद्यार्थीही राष्ट्रीय स्तरावर आपला ठसा उमटवू शकतात, हे सिद्ध झाले आहे.

https://ratnagiritimes.in//assets/images/2020/add/2020/sky22.jpg

विद्यार्थ्यांच्या या यशामागे शाळेच्या व्यवस्थापनाचे प्रोत्साहन, मुख्याध्यापकांचे मार्गदर्शन आणि संबंधित क्रीडा शिक्षकांचे कठोर परिश्रम कारणीभूत आहेत. डॉजबॉलसारख्या मैदानी खेळात राष्ट्रीय स्तरावर धडक मारल्यामुळे या विद्यार्थ्यांना भविष्यात क्रीडा क्षेत्रात चांगली संधी मिळू शकणार आहे.

टाइम्स स्पेशल

सलग दुसऱ्या वर्षी शाळेच्या विद्यार्थ्यांची राष्ट्रीय स्तरावर निवड होणे, ही बाब दि मॉडेल इंग्लिश स्कूल, सैतवडे येथील उत्कृष्ट क्रीडा संस्कृती आणि दर्जेदार प्रशिक्षणाचे द्योतक आहे. या तिन्ही गुणवंत विद्यार्थ्यांना राष्ट्रीय स्तरावरील स्पर्धेत उत्तम कामगिरी करण्यासाठी मुस्लिम एज्युकेशन सोसायटी, शाळा व्यवस्थापन समिती, शिक्षकवृंद आणि पालक वर्गाकडून शुभेच्छा देण्यात येत आहेत.