ठाणे (प्रतिनिधी) - हातभट्टी लावून त्यातून निर्मिती केलेली गावठी दारूसह हातभट्टी लावणारा आणि गावठी दारूचे उत्पन्न काढणारा रुपेश नारायण पाटील (३५) याला १ हजार ११५ लीटर हातभट्टीची तयार दारूसह अटक करण्यात आल्याची कारवाई स्थानिक गुन्हे शाखेच्या पथकाने केल्याची माहिती ठाणे शहर पोलिस जनसंपर्क अधिकारी तथा वरिष्ठ पोलिस निरीक्षक शैलेश साळवी यांनी दिली.
भिवंडी गुन्हे शाखेचे पोलिस हवालदार किशोर थोरात यांना ४ डिसेंबर रोजी मिळालेल्या गोपनीय बातमीच्या आधारे वरिष्ठ पोलीस निरीक्षक जनार्दन सोनवणे यांच्या मार्गदर्शनाखाली पोलिस उपनिरीक्षक रामचंद्र जाधव व त्यांच्या पथकाने रुपेश पाटील यांच्या भिवंडी आलिमघर, येथील राहत्या घराचा शेजारी खोलीमध्ये छापा टाकत कारवाई केली. त्यावेळी १ हजार ११५ लीटर हातभट्टीची तयार दारू असा मुद्देमाल हस्तगत केला. याप्रकरणी नारपोली पोलिस ठाण्यात दारूबंदी अधिनियम १९४९ चे कलम ६५ (ई) प्रमाणे गुन्हा दाखल करण्यात आला आहे. असे पोलिसांनी सांगितले.
या कारवाईत सहायक पोलिस निरीक्षक मिथुन भोईर, पोलिस उपनिरीक्षक रामचंद्र जाधव, रविंद्र बी. पाटील, पोलिस हवालदार किशोर थोरात, प्रकाश पाटील, शशिकांत यादव, निलेश बोरसे व सर्फराज तडवी यांनी सहभाग घेतला होता.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.