वैभववाडी (प्रतिनिधी) - शैक्षणिक सहलीसाठी एसटी महामंडळ कणकवली डेपोने सोडलेली एस.टी. बस वैभववाडी तालुक्यात येण्यापूर्वी नादुरुस्त झाल्याने विद्यार्थ्यांचा वेळ वाया गेला. त्यामुळे विद्यार्थ्यांमधून नाराजी व्यक्त होत आहे. वैभववाडी तालुक्यातील एका कनिष्ठ महाविद्यालयाची शैक्षणिक सहल पश्चिम महाराष्ट्रात दिनांक ६ डिसेंबर २०२५ ला निघाली होती. या शैक्षणिक सहलीसाठी कणकवली एसटी बस डेपोच्या तीन एसटी बस महाविद्यालयाने बुक केल्या होत्या. सकाळी ६ वा सुटणार्या बस वैभववाडी बस स्टँडला पोहचण्यापूर्वी त्यामधील एक बस पंक्चर झाल्याने पंक्चर काढण्यासाठी सुमारे दीड ते दोन तास बस वैभववाडी स्टँडला टायर बदलणेसाठी गेल्याने पुढील प्रवासासाठी दीड ते दोन तासाचा वेळ वाढला. त्यामुळे विद्यार्थी व पालकांनी नाराजी व्यक्त केली तसेच एसटी महामंडळाचे कारभारावर प्रश्न चिन्ह उपस्थित केले. एवढ्या लांब जाणार्या शैक्षणिक सहलीसाठी कमीत कमी कणकवली बस डेपोने विद्यार्थ्यांसाठी चांगल्या बस सेवा देण्याची गरज होती. चांगली बस न दिल्याने पालक व विद्यार्थ्यांमधून नाराजी व्यक्त केली गेली.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.