सावंतवाडी : मुख्यमंत्री देवेंद्र फडणवीस यांच्या नेतृत्वाखालील महायुती सरकारला एक वर्ष पूर्ण झाले असून, राज्यात दूरदृष्टी ठेवून चौफेर विकास चालू आहे, असे प्रतिपादन भाजपचे प्रदेशाध्यक्ष आमदार रवींद्र चव्हाण यांनी केले. पंतप्रधान नरेंद्र मोदी यांच्या नेतृत्वाखालील केंद्र सरकार आणि मुख्यमंत्री फडणवीस यांच्या नेतृत्वाखालील राज्य सरकार एकत्रितपणे काम करत असल्याने सर्व प्रकल्प व योजनांसाठी निधी कमी पडणार नाही, असेही त्यांनी स्पष्ट केले. तसेच, २०२९ पर्यंत राज्याला सर्व क्षेत्रांत 'नंबर वन' करण्याचा संकल्प मुख्यमंत्री फडणवीस यांनी केला असल्याचे त्यांनी सांगितले. सावंतवाडी येथील भाजपच्या जनसंपर्क कार्यालयात आयोजित पत्रकार परिषदेत ते बोलत होते. यावेळी भाजपा जिल्हाध्यक्ष प्रभाकर सावंत, जिल्हा बँक अध्यक्ष मनीष दळवी, रणजित देसाई, युवा मोर्चा प्रदेश उपाध्यक्ष लखमराजे भोंसले, युवराज्ञी श्रद्धाराजे भोंसले, युवा नेते विशाल परब, माजी नगराध्यक्ष बबन साळगावकर, शहर अध्यक्ष सुधीर आडिवरेकर, महिला शहर अध्यक्षा मोहिनी मडगांवकर, प्रसन्न देसाई, मनोज नाईक, ॲड. अनिल निरवडेकर आदी मान्यवर उपस्थित होते.
शेतकऱ्यांसाठी ३२ हजार कोटींचे पॅकेज: अलीकडील पावसाच्या कहरामुळे शेतीचे झालेल्या मोठ्या नुकसानीतून शेतकऱ्याला बाहेर काढण्यासाठी राज्य सरकारने ३२ हजार कोटींचे पॅकेज जाहीर केले आहे. जमिनीचा पोत सुधारण्यावर भर: खरडून गेलेल्या जमिनीचा पोत सुधारण्यासाठी विशेष निर्णय घेण्यात आला आहे. मत्स्य व्यवसायाला कृषीचा दर्जा: मत्स्यव्यवसायाला कृषीचा दर्जा देण्याचा महत्त्वपूर्ण निर्णय या सरकारने घेतल्याने मत्स्य व्यवसायिक व मासेमारी क्षेत्राला मोठा दिलासा मिळाला आहे. शेतकरी सन्मान योजनेतून सक्षमीकरण: शेतकऱ्याला केंद्रबिंदू मानून 'शेतकरी सन्मान योजने'च्या माध्यमातून त्यांना अधिक सक्षम करण्यासाठी प्रयत्न सुरू आहेत. वाडवन पोर्टमुळे १० लाखांहून अधिक रोजगार: आशियातील सर्वात मोठे असलेले वाडवन पोर्ट संपूर्ण राज्याच्या विकासासाठी महत्त्वाचे ठरणार असून या पोर्टच्या माध्यमातून १० लाखांहून अधिक रोजगार निर्माण होणार आहेत. मुंबई उपनगरात रेल्वेचे जाळे: मुंबई व उपनगरांमध्ये रेल्वेच्या २३८ नवीन गाड्या खरेदी करण्याचा निर्णय, एसी लोकल तसेच मेट्रो व मोनोरेलचे जाळे विणले जात असल्याने शहरांमधील वाहतूक कोंडीची समस्या कमी होत आहे. समृद्धी आणि शक्तीपीठ महामार्ग: समृद्धी महामार्गाच्या धर्तीवर शक्तीपीठ महामार्गासाठी देखील प्रयत्न सुरू आहेत, ज्यामुळे पायाभूत सुविधा अधिक सक्षम होतील. जलसंधारण व सिंचनाचे प्रकल्प मार्गी: जलसंवर्धन अंतर्गत सिंचनाचे अनेक प्रलंबित प्रकल्प मार्गी लावले असून, 'जल युक्त शिवार' अंतर्गतही अनेक कामे झाली आहेत.
ऊर्जा आणि शिक्षण क्षेत्रातील धोरणे १०० सौर ग्राम संकल्प: १०० गावे सौर ग्राम करण्याचा संकल्प असून त्यातील १५ गावे पूर्ण झाली आहेत. वीजेच्या दरात ऐतिहासिक कपात: वीजेचा दर कमी होणं हे गेल्या २५ वर्षांतील पहिले उदाहरण असून हा एक ऐतिहासिक निर्णय झाला आहे. सौरच्या माध्यमातून वीजेची बचत करण्याचा प्रयत्न सुरू आहे. ५ परदेशी विद्यापीठांचे करार: नवी मुंबई भागात ५ परदेशी विद्यापीठांचे करार झाले असून, विद्यार्थी शिक्षणासाठी परदेशात न जाता येथेच शिक्षण घेऊन इंडियन करन्सी देशातच राहावी यासाठी प्रयत्न आहेत. महिला सक्षमीकरण आणि गुंतवणूक लाडकी बहीण योजना: महायुती सरकारने सुरू केलेली 'लाडकी बहीण योजना' कधीही बंद होणार नाही आणि महिलांच्या उन्नतीसाठी नवीन योजना राबवल्या जात आहेत. उमेद चे मॉल: महिलांच्या उत्पादनांना बाजारपेठ उपलब्ध करून देण्यासाठी १० जिल्ह्यांमध्ये 'उमेद' चे मॉल तयार करण्यासाठी प्रयत्न सुरू आहेत. सर्वाधिक गुंतवणूक महाराष्ट्रात: देशातील सर्वात जास्त गुंतवणूक महाराष्ट्र राज्यात होत असून मोठ्या प्रमाणात उद्योगधंदे येत असल्याने रोजगाराच्या अनेक संधी उपलब्ध होत आहेत. शासकीय नोकरभरती: पोलिस भरती अंतर्गत ४५ हजारांहून अधिक युवकांची भरती करण्यात आली आहे. तसेच, इतर शासकीय नोकऱ्यांमध्ये भरत्या सुरू असून प्रलंबित नोकऱ्या उपलब्ध होणार आहेत. चव्हाण यांनी स्पष्ट केले की, या सर्व गोष्टींच्या माध्यमातून 'गतिमान महाराष्ट्र' करण्यासाठी महायुती सरकार प्रयत्नशील आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.