बांदा (प्रतिनिधी) - इन्सुलीचे जिल्हा परिषद सदस्य नितीन राऊळ यांनी सोशल मीडियावर बदनामीकारक व आक्षेपार्ह मजकूर व्हायरल केल्याप्रकरणी बांदा पोलीस ठाण्यात अज्ञात व्यक्तीविरोधात तक्रार दाखल केली आहे. २३ मे २०२६ रोजी एका सोशल मीडिया ग्रुपवर त्यांच्याविरोधात आक्षेपार्ह संदेश प्रसारित करण्यात आला होता.
वाफोली येथे सुरू असलेल्या अवैध वाळू उत्खननाबाबत ग्रामस्थ विठ्ठल कळंगुटकर यांनी लोकप्रतिनिधी म्हणून नितीन राऊळ यांच्याशी संपर्क साधून तक्रार केली होती. त्यानंतर त्यांनी सावंतवाडीचे तहसीलदार श्रीधर पाटील यांना माहिती दिली. प्रशासनाने तत्काळ कारवाई करत डंपर व जेसीबी ताब्यात घेतले. यानंतर सोशल मीडियावर इन्सुलीत होणारा वाळू उपसा दिसत नाही का? तसेच हप्ते घेतात का? अशा स्वरूपाचा संदेश व्हायरल करण्यात आला. हा संदेश आपली प्रतिमा मलिन करणारा असल्याचा आरोप नितीन राऊळ यांनी केला आहे.
याबाबत त्यांनी बांदा पोलिस निरीक्षक पंकज शिंदे यांची भेट घेत संबंधित आरोपीचा तातडीने शोध घ्यावा, अशी मागणी केली. सात दिवसांत आरोप सिद्ध न झाल्यास न्यायालयात अब्रू नुकसानीचा दावा दाखल करणार असल्याचा इशाराही त्यांनी दिला.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.