कलंबिस्त येथे स्वर्गीय अजितदादा पवार यांच्या जयंतीनिमित्त वह्या व खाऊचे वाटप

2026-07-25 00:00:00

टाइम्स स्पेशल

सावंतवाडी (प्रतिनिधी):सावंतवाडी तालुक्यातील कलंबिस्त प्राथमिक शाळा क्र. १ आणि शाळा क्र. २ या दोन्ही शाळांच्या संयुक्त विद्यमाने, महाराष्ट्राचे उपमुख्यमंत्री स्वर्गीय अजितदादा पवार यांच्या जयंतीचे औचित्य साधून भव्य वह्या व खाऊ वाटप कार्यक्रम उत्साहात पार पडला.हा उपक्रम सिंधुदुर्ग राष्ट्रवादी काँग्रेस, जिल्हाध्यक्ष अबिद नाईक, सावंतवाडी तालुका अध्यक्ष उदय भोसले आणि राष्ट्रवादी काँग्रेस प्रदेश चिटणीस सुरेश गवस यांच्या संकल्पनेतून राबवण्यात आला. या कार्यक्रमाप्रसंगी दोन्ही शाळांचे विद्यार्थी एकत्र आले होते. विद्यार्थ्यांना शैक्षणिक उपयोगी वह्या आणि खाऊचे वाटप करण्यात आले, ज्यामुळे मुलांच्या चेहऱ्यावर आनंद पाहायला मिळाला.

https://ratnagiritimes.in//assets/images/2020/add/2020/sky22.jpg

या कार्यक्रमाला सिंधुदुर्ग राष्ट्रवादी काँग्रेसच्या सामाजिक न्याय विभागाचे जिल्हाध्यक्ष विजय कदम यांच्यासह गावातील अनेक मान्यवर व प्रतिष्ठित नागरिक उपस्थित होते. यामध्ये निवृत्त आर्मी ब्लॅक कमांडो, प्रकाश सावंत, राजेश पास्ते, अशोक पास्ते (उर्फ बाळा पास्ते), श्याम कलंबिस्कर आणि भाई सावंत यांचा समावेश होता.यावेळी दोन्ही शाळांचा शिक्षकवर्ग, ग्रामस्थ आणि विद्यार्थी मोठ्या संख्येने उपस्थित होते. उपक्रमाच्या यशस्वितेसाठी उपस्थितांनी राष्ट्रवादी काँग्रेसच्या पदाधिकाऱ्यांचे आणि आयोजकांचे आभार मानले.