loader
Breaking News
Breaking News
Foto

कुणकेश्वर येथे ताज प्रकल्पामुळे पर्यटन क्षेत्राला मोठी झळाळी मिळेलः सरपंच महेश ताम्हणकर

टाईम्स स्पेशल
2026-09-23 00:00:00
टाइम्स स्पेशल

देवगड (प्रतिनिधी) - ताज प्रकल्पामुळे श्रीक्षेत्र कुणकेश्वरच्या पर्यटन विकासाला आणखी चालना मिळण्याच्या दृष्टीने महत्त्वपूर्ण पाऊल उचलण्यात आले आहे. कुणकेश्वर येथे ‘ट्री ऑफ लाईफ’ या ताज हॉटेल्स ब्रँडच्या ५० खोल्यांच्या आलिशान हॉटेलची उभारणी करण्यात येणार असून, यासंदर्भातील करार करण्यात आला आहे. या प्रकल्पामुळे कुणकेश्वरच्या पर्यटन क्षेत्राला नवी झळाळी मिळण्यासह पर्यटकांच्या संख्येत वाढ होण्यास मदत होईल, अशी अपेक्षा कुणकेश्वर सरपंच महेश ताम्हणकर यांनी ग्रामस्थांच्या वतीने व्यक्त केली. कुणकेश्वर सरपंच महेश ताम्हणकर यांच्यासह ग्रामस्थ मोठ्या संख्येने एकत्र येत मंत्री नितेश राणे यांच्या निर्णयाचे स्वागत केले व आभार मानले.

https://ratnagiritimes.in//assets/images/2020/add/2020/sky22.jpg

यावेळी कुणकेश्वर देवस्थान ट्रस्टचे अध्यक्ष एकनाथ तेली, गणेश चव्हाण, दिलीप चव्हाण, प्रवीण चव्हाण, श्रीकृष्ण बोंडाळे, चंद्रकांत घाडी, सुभाष तेली, सतीश तेली, मनोज आंबेरकर, राजीव बोंडाळे, प्रमोद चव्हाण आदी उपस्थित होते. देवगड-कणकवली-वैभववाडी मतदारसंघाचे आमदार तथा सिंधुदुर्ग जिल्ह्याचे पालकमंत्री आणि मत्स्यव्यवसाय व बंदरे विकास मंत्री ना. नितेश राणे यांच्या पुढाकारातून कुणकेश्वरच्या पर्यटन विकासासाठी विविध प्रकल्पांना चालना दिली जात आहे. त्याचाच एक भाग म्हणून ५० खोल्यांच्या या आलिशान हॉटेलच्या प्रकल्पासाठी झालेला करार महत्त्वपूर्ण मानला जात आहे. असे त्यांनी सांगितले. या प्रकल्पामुळे कुणकेश्वरला भेट देणार्‍या पर्यटकांना दर्जेदार निवासाची सुविधा उपलब्ध होणार असून, स्थानिक पर्यटन व्यवसायालाही त्याचा फायदा होण्याची शक्यता आहे. हॉटेल प्रकल्पामुळे स्थानिक पातळीवर रोजगाराच्या संधी निर्माण होण्यासह विविध व्यवसायांना चालना मिळण्याची अपेक्षा आहे.

टाईम्स स्पेशल

कुणकेश्वर परिसरातील पर्यटनाचा विकास व्हावा, अधिकाधिक पर्यटक या परिसराकडे आकर्षित व्हावेत आणि स्थानिकांना पर्यटनाच्या माध्यमातून रोजगार व व्यवसायाच्या संधी उपलब्ध व्हाव्यात, यासाठी आमदार नितेश राणे सातत्याने प्रयत्नशील असल्याचे यावेळी सांगण्यात आले. या महत्त्वपूर्ण प्रकल्पासाठी आमदार तथा पालकमंत्री ना. नितेश राणे यांचे कुणकेश्वरवासीय, कुणकेश्वर भारतीय जनता पार्टी आणि ग्रामस्थांच्या वतीने अभिनंदन करण्यात आले. भविष्यातही अशाच प्रकारचे विविध पर्यटनविषयक प्रकल्प कुणकेश्वरमध्ये आणून या परिसराच्या पर्यटन विकासाला अधिक गती द्यावी, अशी अपेक्षाही ग्रामस्थांकडून व्यक्त करण्यात आली. कुणकेश्वरच्या पर्यटन विकासासाठी झालेल्या या करारामुळे परिसराच्या विकासाला नवी दिशा मिळणार असून, आगामी काळात कुणकेश्वर हे पर्यटनाच्या नकाशावर आणखी ठळकपणे अधोरेखित होईल, असा विश्वास यावेळी व्यक्त करण्यात आला.

https://ratnagiritimes.in//assets/images/2020/add/2020/sky23.jpg

रत्नागिरी टाइम्स

tags : टाइम्स स्पेशल
foto
Author: रत्नागिरी टाइम्स
टाईम्स स्पेशल
टाइम्स स्पेशल
2026-09-23 00:00:00

कोकणचे सर्वाधिक खपाचे दैनिक

Previous Next

3 Comments

leave a reply

Recent Posts

रत्नागिरी टाइम्स

https://ratnagiritimes.in//assets/images/2020/add/2020/ad_400x270.jpg

latest # news

रत्नागिरी टाइम्स

https://ratnagiritimes.in//assets/images/2020/add/2020/sky24.jpg
रत्नागिरी टाइम्स
https://ratnagiritimes.in//assets/images/2020/add/2020/sky21.jpg
© 2020, Copyrights रत्नागिरी टाइम्स. All Rights Reserved. Website Design by KP TECHNOSYS