मालवण नगरपरिषदेकडून सिंगल युज प्लास्टिक विरोधी दंडात्मक कारवाई

2026-10-06 00:00:00

टाइम्स स्पेशल

मालवण (प्रतिनिधी) - मालवण शहर प्लास्टिकमुक्त व स्वच्छ ठेवण्याच्या उद्देशाने मालवण नगरपरिषद आरोग्य विभागामार्फत शहरातील आठवडा बाजारपेठ येथे सिंगल युज प्लास्टिक विरोधी विशेष मोहीम राबविण्यात आली. या मोहिमेत नियमांचे उल्लंघन करणाऱ्या व सिंगल युज प्लास्टिकचा वापर करणाऱ्या व्यापारी व नागरिकांवर एकूण ३,०५० रुपयांची दंडात्मक कारवाई करण्यात आली. नगराध्यक्ष ममता वराडकर व मुख्याधिकारी प्रतिक थोरात यांच्या मार्गदर्शनाखाली हि कारवाई करण्यात आली. या क कारवाई वेळी नगरपालिकेच्या प्रशासकीय अधिकारी संध्या गवळी, स्वच्छता निरीक्षक संजय पवार, स्वच्छता लिपीक मंदार केळुसकर तसेच नगरपरिषदेचे इतर अधिकारी व कर्मचारी उपस्थित होते.

https://ratnagiritimes.in//assets/images/2020/add/2020/sky22.jpg

शासनाच्या व नगरपरिषदेच्या नियमानुसार सिंगल युज प्लास्टिकचा वापर करू नये. दंडात्मक कारवाईस नकार देऊ नये. नगरपरिषद अधिकारी व कर्मचाऱ्यांच्या शासकीय कामात अडथळा निर्माण करू नये. दंड भरण्यास नकार देणाऱ्या अथवा कारवाईस विरोध/अडथळा करणाऱ्या व्यापाऱ्यांविरुद्ध नियमानुसार विक्रीस मनाईची कारवाई करण्यात येईल तसेच यापुढेही सिंगल युज प्लास्टिक वापरणाऱ्यांवर कठोर दंडात्मक कारवाई करण्यात येणार आहे, असा इशारा नगरपालिका प्रशासनाकडून देण्यात आला आहे.