.jpg)
1.jpg)
3.jpg)
लांजा (वार्ताहर) : मागासवर्गीय निधी (अण्णाभाऊ साठे दलित वस्ती अंतर्गत सुधार निधी) अन्य प्रभागात प्रस्तावित केल्याबद्दल लांजा नगरपंचायत प्रशासनाच्या मनमानी कारभाराबाबत प्रभाग क्र. 4 चे नगरसेवक लवू शिवराम कांबळे यांनी रविवारी 26 जानेवारी प्रजासत्ताक दिनी पुकारलेले आमरण उपोषण आजच्या दुसर्‍या दिवशी दुपारी सोमवारी 27 जानेवारी रोजी मागे घेतले. लांजा नगरपंचायतीच्या मुख्याधिकारी हर्षला राणे यांनी संबंधित कामाच्या दिलेल्या वर्क ऑर्डरला तात्काळ स्थगिती देण्यात येईल असे सांगताना पुढील दहा दिवसांत (सुट्टीचे दिवस वगळून) नगरसेवक लहू कांबळे यांनी विभागीय आयुक्त कार्यालय कोकण भवन येथून स्थगिती पत्र आणून देण्याच्या अटीवर मुख्याधिकारी हर्षला राणे यांनी देण्यात आलेल्या वर्क ऑर्डरला स्थगिती देण्याचे आश्वासन दिले.
त्यामुळे नगरसेवक लहू कांबळे यांनी मुख्याधिकारी हर्षला राणे यांच्या विनंतीला मान देत आपले आमरण उपोषण अखेर मागे घेतले. मुख्याधिकारी हर्षला राणे यांच्या हस्ते लिंबूपाणी घेत नगरसेवक लहू कांबळे यांनी उपोषण मागे घेतले. यावेळी लांजा तहसीलदार प्रियांका ढोले यांच्यासह शिवसेना उद्धव बाळासाहेब ठाकरे पक्षाचे ज्येष्ठ कार्यकर्ते नितीन शेट्ये, युवासेना पदाधिकारी सचिन लिंगायत, मंगेश मुळे, नगरसेवक स्वरूप गुरव, वैभव जोईल, अभिजित राजेशिर्के, नगरसेविका पूर्वा मुळे, काँग्रेसचे माजी तालुकाध्यक्ष नुरुद्दीन सय्यद, माजी सरचिटणीस महेश सप्रे, काँग्रेसचे माजी सरपंच राजेश राणे, प्रकाश लांजेकर, राष्ट्रवादी काँग्रेसचे (शरद पवार गट) दाजी गडहिरे, बाबा धावणे, भाजपचे नगरसेवक संजय यादव, मंगेश लांजेकर आदि उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.