loader
Breaking News
Breaking News
Foto

भोस्ते येथील दोन लाखांच्या घरफोडीचा काही तासातच छडा, एक ताब्यात

खेड (प्रतिनिधी) : तालुक्यातील भोस्ते येथील एका घरातून १ लाख ९० हजार रुपये किंमतीचे दागिने व १० ते १५ हजार रुपयांची रोकड असा २ लाख रुपये किंमतीचा ऐवज चोरट्याने लंपास केला होता. याबाबत पोलीस ठाणेत रितसर तक्रार झाल्यानंतर पोलीस निरीक्षक नितीन भोयर यांनी काही तासातच घरफोडीचा छडा लावत एकास ताब्यात घेतले. वेदांत शिवप्रसाद भंडारे (१९, रा. भोस्ते विराचीवाडी) असे संशयिताचे नाव आहे.

https://ratnagiritimes.in//assets/images/2020/add/2020/sky22.jpg

भोस्ते विराचीवाडीतील येथील एका राहत्या घरातून कपाटातील सोन्या-चांदीचे दागिने व १० ते १५ हजाराची रोकड लंपास झाल्याचे निदर्शनास येताच तातडीने पोलीस ठाणे गाठत तक्रार नोंदवण्यात आली. पोलीस निरीक्षक नितीन भोयर यांच्या नेतृत्वाखालील पोलीस पथकाने तपासाची चक्रे वेगाने फिरवत एका संशयितास ताब्यात घेतले. या संशयिताची कसून चौकशी करण्यात आली असता घरफोडीची कबुली दिली. याबाबत त्याच्याच कुटुंबातील सदस्याने पोलीस ठाणेत तक्रार नोंदवताच पोलिसांनी तपासाला गती दिली. चोरलेल्या रक्कमेचे संशयिताने नेमके काय केले, याचा तपास सुरू होता. या चोरट्याने यापूर्वीही घरफोड्या केल्याचे तपासात समोर आले आहे. त्यादृष्टीने पोलिसांकडून कसून तपास करण्यात येत आहे.

टाइम्स स्पेशल

https://ratnagiritimes.in//assets/images/2020/add/2020/sky23.jpg
foto
Author: रत्नागिरी टाइम्स

3 Comments

leave a reply

Recent Posts