दापोली खेर्डी येथे दारूच्या नशेत गळफास लावून आत्महत्या

2025-04-01 00:00:00

सामाजिक

दापोली (वार्ताहर) :- तालुक्यातील खेर्डी देऊळवाडी येथील ६५ वर्षीय व्यक्तीने दारूच्या नशेत घरातील पंख्याला साडीच्या दोरीने गळफास घेऊन आत्महत्या केल्याची घटना ३१ मार्च रोजी रात्री ८:२८ वाजता घडली. मृत व्यक्तीचे नाव शांताराम रामचंद्र जाडे असे आहे. या घटनेची दापोली पोलीस ठाण्यात नोंद करण्यात आली आहे.

https://ratnagiritimes.in//assets/images/2020/add/2020/sky22.jpg

मयत शांताराम रामचंद्र जाडे (वय ६५ वर्षे, राहणार खेर्डी देऊळवाडी, ता. दापोली) यांनी ३१ मार्च रोजी दारूच्या नशेत आपल्या घरातील हॉलमध्ये छताच्या पंख्याला नायलॉन साडीची दोरी बांधली. त्यानंतर त्या दोरीने गळ्याला फास लावून त्यांनी आत्महत्या केली. ही घटना लक्षात आल्यानंतर खबर देणार्‍या व्यक्तीने गावातील ग्रामस्थांच्या मदतीने शांताराम यांना खाली उतरवले आणि तातडीने रुग्णवाहिकेतून उपजिल्हा रुग्णालय, दापोली येथे दाखल केले. मात्र, तेथील डॉक्टरांनी त्यांना तपासून मृत घोषित केले. या घटनेची माहिती मिळताच दापोली पोलिसांनी तातडीने उपजिल्हा रुग्णालयात धाव घेतली. पोलिसांनी बी.एन.एस.एस. १९४ अंतर्गत आमृ. क्रमांक २५/२०२५ म्हणून या प्रकरणाची नोंद केली आहे. प्राथमिक तपासात ही आत्महत्या असल्याचे स्पष्ट झाले असून, शांताराम जाडे यांनी दारूच्या नशेत हे पाऊल उचलल्याचे समोर आले आहे. या आत्महत्येमागील नेमके कारण शोधण्यासाठी तपास सुरू आहे.