.jpg)
1.jpg)
पोईप(संजय माने)- मालवण तालुक्यातील पोईप खालची पालववाडी येथील उबाठा शिवसेनेच्या कट्टर कार्यकर्त्यांनी सोमवारी रात्री शिवसेना जिल्हा प्रमुख दत्ता सामंत यांच्या उपस्थितीत शिवसेना शिंदे गटात प्रवेश करून उबाठा गटाला मोठा धक्का दिला आहे. यावेळी झालेल्या कार्यक्रमात दत्ता सामंत यांच्या समवेत माजी बांधकाम सभापती अनिल कांदळकर, पोईप सरपंच श्रीधर नाईक, माजी नगरसेवक दीपक पाटकर, कमलेश प्रभू, प्रशांत बिरमोळे, ग्राप. सदस्य सहदेव वेंगुर्लेकर व इतर पदाधिकारी उपस्थित होते.
यावेळी पोईप खालची पालववाडी ग्रामस्थांच्या वतीने दत्ता सामंत यांना रस्त्याच्या दूरावस्थेबाबत निवेदन देऊन रस्ता नूतनीकरणाची मागणी केली. यावेळी बोलताना वाडीतील ज्येष्ठ पदाधिकारी रमेश बाबुराव पालव यांनी सांगितले की मागील १५ वर्षे आपल्या वाडीतील रस्ता नूतनीकरणाच्या प्रतीक्षेत आहे. आपल्या वाडीतील कोणतीही विकासकामे मागील काही वर्षांपासून झालेली नसून यामुळे वाडीतील ग्रामस्थांनी आपल्या विकास कामांसाठी दत्ता सामंत यांच्या पाठीशी राहण्याचा सर्वानुमते निर्णय घेतला. आपली प्रामुख्याने रस्त्याची मागणी असून वाडीतील इतर विकासकामे टप्प्याटप्प्याने मागणी करणार असल्याचे रमेश पालव यांनी सांगितले. यावेळी दत्ता सामंत यांचा वाडीतील ग्रामस्थांच्या वतीने सत्कार करण्यात आला. यावेळी वाडीतील ग्रामस्थांनी शिवसेना शिंदे गटात प्रवेश केला. आपल्या पक्षात सर्व कार्यकर्त्यांचा योग्य तो मानसन्मान राखला जाईल अशी ग्वाही शेवटी दत्ता सामंत यांनी दिली. कार्यक्रमाचे सूत्रसंचालन रमेश पालव यांनी केले तर आभार सत्यवान पालव यांनी मानले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.