दापोलीत भारतीय जनता पार्टीचा ४६ वा स्थापना दिवस मोठ्या उत्साहात साजरा ---

2025-04-06 00:00:00

टाइम्स स्पेशल

दापोली (शशिकांत राऊत) - दापोली येथे रविवारी भाजपाचा ४६ वा स्थापना दिवस मोठ्या उत्साहात साजरा करण्यात आला. यावेळी दापोली येथील भाजपा कार्यालयात श्री. सत्यनारायणाच्या महापुजेचे आयोजन करण्यात आले होते. दिवसभरात तालुक्यातील गावागावातून भाजपा कार्यकर्त्यांसह अनेकांनी श्री. सत्यनारायणाच्या पुजेचे दर्शन घेऊन भाजपा पदाधिकारी आणि कार्यकर्त्यांना भाजपा स्थापना दिवसाच्या शुभेच्छा दिल्या. भाजपा स्थापना दिनाला योगायोगाने आज श्रीराम नवमी उत्सवाचा दुग्धशर्कराचा योग जुळून आल्याने भाजपा पदाधिकारी लोकप्रतिनिधी तसेच कार्यकर्त्यांच्या उत्साहात आणखीनच आनंदाची भर पडली. यावेळी सर्व प्रथम दापोली येथील भाजपा कार्यालयाच्या प्रांगणात सकाळी उत्तर रत्नागिरी भाजपाचे जिल्हाध्यक्ष केदार साठे यांनी सन्मानाने भाजपाच्या ध्वजाचे ध्वजारोहण केले. यावेळी भारतीय जनता पार्टीचे जिल्हा सरचिटणीस श्री. श्रीराम उर्फ भाऊ ईदाते, स्वच्छता आणि आरोग्य सभापती सौ. जया साळवी, तालुकाध्यक्ष श्री. संजय सावंत, विस्तारक श्री. प्रसाद मांडवकर, सोशल मीडिया तालुका संयोजक श्री. धिरज पटेल, अमोल तांबे, अमोल चोरगे आदींसह भाजपा पदाधिकारी तसेच मोठ्या संख्येने भाजपा कार्यकर्ते उपस्थित होते.

https://ratnagiritimes.in//assets/images/2020/add/2020/sky22.jpg

या वेळी भाजपा जिल्हाध्यक्ष केदार साठे यांनी कार्यकर्त्यांना संबोधीत केले यावेळी बोलताना ते म्हणाले की, भाजपाचे संघटन केवळ दापोलीत वा जिल्हयात वाढते आहे असे नाही तर महाराष्ट्रात दिड कोटी सक्रिय सभासदांची नोंदणी करून सर्वाधिक लोकांनी भाजपाचे सभासदस्यत्व स्विकारलेला भाजपा हा महाराष्ट्र राज्यात सर्वाधिक पक्ष सदस्यांचा पक्ष आहे. त्यामुळे देशाचे पंतप्रधान नरेंद्र मोदी देशाला तर महाराष्ट्राचे मुख्यमंत्री देवेंद्र फडणवीस हे राज्याला प्रगतीच्या दिशेने नेत असल्याचीच ही पोहोचपावती आहे. असे केदार साठे म्हणाले.