आशिये सरपंच महेश गुरव यांच्या वाढदिवसानिमित्त दंत तपासणी शिबिर

2025-04-07 00:00:00

टाइम्स स्पेशल

कणकवली (प्रतिनिधी) : सामाजिक कार्यकर्ते समीर ठाकूर यांच्या सौजन्याने आशिये सरपंच महेश गुरव यांच्या वाढदिवसानिमित्त जिल्हा परिषद पूर्ण प्राथमिक शाळा, आशियेच्या विद्यार्थ्यांची दंत तपासणी शिबिर आयोजित करण्यात आले होते. आशिये गावातील सामाजिक कार्यकर्ते समीर ठाकूर यांनी आपण गावाच काहीतरी देणं लागतो या भावनेतून तसेच आशिये सरपंच महेश गुरव यांच्या वाढदिवसाचे औचित्य साधून कणकवलीतील दंतचिकित्सक डॉ. सागर पटेल आणि त्यांच्या टीमच्या माध्यमातून आशिये शाळेतील विद्यार्थ्यांची दंत तपासणी शिबिर आयोजित केले.

https://ratnagiritimes.in//assets/images/2020/add/2020/sky22.jpg

या शिबिरात ७० विद्यार्थांच्या दातांची तपासणी करण्यात आली तसेच दातांविषयी योग्य ते मार्गदर्शन करण्यात आलं. हे शिबीर योग्य पद्धतीने आयोजन केल्याबद्दल सरपंच महेश गुरव तसेच आशिये ग्रामस्थांनी समीर ठाकूर यांचे कौतुक करून आभार मानले. त्याच दरम्यान डॉ. सागर पटेल यांचा सरपंच महेश गुरव यांच्या हस्ते शाल तसेच श्रीफळ देऊन सत्कार करण्यात आला तसेच शाळेतील मुलांसमवेत महेश गुरव यांचा केक कापून वाढदिवस साजरा करण्यात आला. या शिबिराला पत्रकार संजय बाणे, सुनिल बाणे, माजी सरपंच शंकर गुरव, उपसरपंच संदीप जाधव, माजी सरपंच श्रीधर ठाकूर, ग्रामपंचायत सदस्य सुहास गुरव, अमोल गुरव, पांडुरंग बाणे, मुख्याध्यापक सावंत, रोहित ठाकूर, सचिन गुरव, भरत तळवडेकर, प्रविण ठाकूर, माजी सरपंच सदानंद बाणे, संतोष जाधव, सौ.निधी पुजारे, सुजय ठाकूर, किशोर गुरव आदी ग्रामस्थ उपस्थित होते.