.jpg)
1.jpg)
मालवण(प्रतिनिधी)- देवली येथे अवैध वाळू उपसा व डंपरमधून वाळू वाहतूक केल्याच्या आरोपातून प्रभाकर लालु राठोड (वय 35, रा. कुडाळ), महेश तुकाराम शिरसाट (वय 50, रा. कुडाळ), आत्माराम जयवंत चव्हाण (वय 35) यांची प्रथमवर्ग न्यायदंडाधिकारी मालवण यांनी पुराव्याअभावी निर्दोष मुक्तता केली. आरोपींतर्फे अ‍ॅड. स्वरूप नारायण पई व अ‍ॅड. अंबरीश गावडे यांनी काम पाहिले. दि. 22 एप्रिल 2020 रोजी रात्री 10.45 च्या सुमारास मंडळ अधिकारी, मालवण यांच्या मार्गदर्शनाखाली महसूल कर्मचारी अवैध वाळू वाहतुकीची तपासणी करीत देवली काळेथर पुलाच्या नजीक आले असता त्यांना देवली- गव्हाणवाडीकडून येणार्‍या डंपरमधून अवैध वाळू वाहतूक होत असल्याचे आढळले. त्यामुळे मंडळ अधिकार्‍यांनी मालवण पोलीस ठाण्यात डंपरचालक व मालक यांच्याविरुद्ध भारतीय दंड संहिता कलम 269, 379, 34 अन्वये वाळूचोरीची फिर्याद दाखल केली. त्यानंतर तपास कामादरम्यान ज्याठिकाणाहून वाळू भरुन दिली, त्या इसमालाही पोलिसांनी आरोपी केले. तपासकाम पूर्ण करून मालवण पोलिसांनी आरोपींविरुद्ध मालवण न्यायालयात दोषारोपपत्र दाखल केले. या सुनावणीदरम्यान सरकार पक्षातर्फे 7 साक्षीदार तपासण्यात आले. सुनावणीअंती फिर्यादी व साक्षीदारांच्या जबाबातील विसंगती, तपासकामातील त्रुटी व आरोपींतर्फे केलेला युक्तीवाद ग्राह्य धरून न्यायालयाने आरोपीची खटल्यातून निर्दोष मुक्तता केली.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.