.jpg)
1.jpg)
संगलट (इक्बाल जमादार) : नवी मुंबईतील वाशी येथील महाराष्ट्र शासनाच्या कृषी पणन मंडळाच्या प्रमुख निर्यात सुविधा केंद्रांतून यंदाच्या वर्षीचा पहिला 27 टन हापूस आंबा निर्यात करण्यात आला आहे. अमेरिकेला हापूस निर्यातीची ही पहिली खेप आहे. दरम्यान यंदा 4 हजार मेट्रिक टन आंबा निर्यात करण्याचे उद्दिष्ट निश्चित करण्यात आले असल्याची माहिती कृषी पणन मंडळाच्या सुत्रांनी दिली आहे. कोकणच्या हापूस आंब्याला देशांतर्गत मागणीबरोबर परदेशातही मोठी पसंती आहे. परदेशात आंबा निर्यात करण्यासाठी निर्यातदारांना नियमांच्या चौकटीतून आंबा निर्यात करावा लागतो. आंबा निर्यातीकरीता आंब्याचा आकार, वजन, आणि दर्जा असे निकष महत्वाचे असतात. आखाती देश, लंडन, ऑस्ट्रेलिया, कुवेत, युरोपियन देश, जपान, साऊथ कोरिया या देशांत भारतातून हापूस आंबा निर्यात होतो. वाशीतील महाराष्ट्र राज्य कृषी पणन मंडळाच्या प्रमुख निर्यात सुविधा केंद्रांवरून यंदा 4 हजार मेट्रिक टन आंबा निर्यात करण्याचे उद्दिष्ट निश्चित केले असून 4 एप्रिलपासून या निर्यातीला सुरुवात झाली आहे. पहिल्या दिवशी अमेरिकेला 27 टन आंबा निर्यात झाली. अमेरिकेत आंबा निर्यातीसाठी उष्णजल प्रक्रियाप्रत्येक देशात आंबा निर्यात करण्यासाठी वेगवेगळ्या प्रकारच्या प्रक्रिया केल्या जातात. अमेरिकेला आंबा निर्यात करण्यासाठी त्यावर दोन प्रकारे प्रकिया करण्यात आली. उष्णजल प्रक्रिया (हॉट वॉटर ट्रीटमेंट) या प्रक्रियेत 46 अंश सेल्सियस तापमानात 60 मिनिटे आंबा गरम पाण्यात ठेवला जातो. त्यामुळे आंब्यातील फळमाशी असल्यास नष्ट होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.