.jpg)
1.jpg)
दोडामार्ग (प्रतिनिधी) : मोर्ले गावात जंगली ओंकार हत्तीने हल्ला करून एकाचा बळी घेतल्यानंतर वन विभाग यांनी गंभीर दखल घेत मोर्ले गावात, परिसरात दिवसरात्र वन कर्मचारी तैनात केले आहेत. तसेच ड्रोन कॅमेरा वरून तो कुठे आहे? तसेच त्याच्या हालचालींवर लक्ष ठेवले जात आहे. मोर्ले गावात हत्ती वर लक्ष ठेवण्यासाठी ठेवलेल्या कर्मचार्‍यांचा पाठलाग करत काजू बागेत लावलेली कापडे रागाने टस्कर हत्तीने फाडून टाकली. कर्मचारी यांनी फटाके लावून हुसकावून लावले. गावात पुन्हा काही घटना घडू नये यासाठी वन विभाग कडून दखल घेऊन ओंकार टस्कर हत्ती याच्या हालचालींवर लक्ष ठेवून आहेत, अशी माहिती माजी सरपंच गोपाळ गवस यांनी दिली.
मोर्ले गावात तीन दिवसांपूर्वी जंगली हत्तीने हल्ला करून मोर्ले गावातील शेतकरी लक्ष्मण गवस यांचा बळी घेतला. या घटनेनंतर ग्रामस्थ यांनी आक्रमक पवित्रा घेऊन या हत्तीला जेरबंद करा, अशी मागणी लावून धरली. वन, महसूल, पोलीस, अधिकारी, यांना आठ तास गावात रोखून धरले. या नंतर हत्तीला पकडण्यासाठी आदेश द्यावे लागले. मोर्ले गावात धुमाकूळ घालणारा हा हत्ती केर निडलवाडी, मोर्ले असा प्रवास करत आहे. मोर्ले गावात पुन्हा काही घडू नये, यासाठी मोर्ले गावात वन कर्मचारी तर दिमतीला काही हाकेरे सोबत घेतले आहेत. हल्ला केलेला हत्ती मोर्ले गावात आहे. मोर्ले गावातील टस्कर हत्ती याच्या संपूर्ण हालचालींवर तसेच तो कुठे जातो, येतो यावर लक्ष ठेवले आहे. काजू बागेत एकट्याने जाऊ नये, असे आवाहन करण्यात आले आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.