लांजा पोलिसांच्या प्रयत्नातून माय लेकराची झाली भेट

2025-04-14 00:00:00

टाइम्स स्पेशल

केळंबे-लांजा (सिराज नेवरेकर) : बरेच दिवस बेपत्ता असलेल्या व्यक्तीची माहीती घेऊन अखेर लांजा पोलीसांनी माय लेकराची भेट घडवून देवून आई वडीलांच्या ताब्यात दिले. पोलिसांच्या या कामगिरीबद्दल जनतेतून समाधान व्यक्त होत आहे. कायदा सुव्यवस्था अबाधित राखण्याचे काम करत असताना सामाजिक बाधिलकेच्या भावनेतून लांजा पोलीस काम करताना दिसुन येत आहेत. लांजा पोलीसांकडून मिळाल्या माहितीनुसार लांजा पोलीस स्टेशन कार्यक्षेत्रामध्ये एक अनोळखी इसम दोन दिवसापूर्वी बेवारस स्थितीत फिरताना मिळून आलेला होता. सदरचा व्यक्ती हा कोणतीही माहिती देत नव्हता त्या अनुषंगाने लांजा येथील बेकरी व्यवसायिक यांची मदत घेऊन सदरच्या इसमाकडे चौकशी केली असता त्याचे नाव निधिरज के टी राहणार कोट्टीएन राज्य केरला असे असल्याचे समजले.

https://ratnagiritimes.in//assets/images/2020/add/2020/sky22.jpg

या माहितीच्या आधारे लांजा पोलीसांकडून त्याच्या नातेवाईकांशी संपर्क साधला असता सदर व्यक्ती बरेच दिवसापासून नापत्ता असल्याबाबत त्यांनी सांगितले त्यानंतर नातेवाईक आई, वडील लांजा पोलीस स्टेशन येथे आल्यानंतर सदर व्यक्तिला त्याचे आई, वडीलांच्या ताब्यात सुखरूप दिले आहे. बरेच दिवस बेपत्ता असलेल्या आपल्या मुलाची भेट लांजा पोलीसांनी घडवून आणल्याबद्दल आई वडीलांनी पोलिसांचे आभार मानले. पोलिसांच्या या कामगिरीबद्दल कौतुक केले जात आहे.