दिवाणखवटी ग्रामदेवता आई सोमजाई देवीचा वार्षिक जत्रोत्सव ---

2025-04-14 00:00:00

टाइम्स स्पेशल

खेड- तालुक्यातील दिवाणखवटी गावची ग्रामदेवता आई सोमजाईदेवी हिचा वार्षिक जत्रोत्सव शुक्रवार दिनांक १८ व शनिवार दिनांक १९ एप्रिल यादिवशी आयोजित केला आहे. या जत्रोत्सव निमित्त मानाची पालखी खवटी - श्रीदेव केदारनाथ, तळे - श्री देवी वाघजाई कलमजाई, आंबये - श्रीदेवी भैरी कोटेश्वरी, ऐनवरे - श्री देव वाघोबा या देवांच्या ग्रामदेवता जत्रोत्सव निमित्त आई सोमजाईदेवीच्या भेटीला येणार आहेत. तरी सर्व भक्तांनी ग्रामस्थांनी जत्रोत्सवाला उपस्थित राहून कार्यक्रमाची शोभा वाढवावी असे आवाहन करण्यात आले आहे.

https://ratnagiritimes.in//assets/images/2020/add/2020/sky22.jpg

कार्यक्रमाची रूपरेषा - संपूर्ण गावामध्ये लाटेची मिरवणूक शुक्रवार दिनांक १८ एप्रिल संध्याकाळी ५ ते ७ वाजेपर्यंत निघेल. आई सोमजाईदेवीचा भाऊ खवटी गावचा ग्रामदैवत देव केदारनाथ पालखी आगमन झाल्यानंतर रात्री ९ ते १० दरम्यान लाट सारवरती चढवण्याचा कार्यक्रम होईल. त्यानंतर अन्य गावच्या ग्रामदैवतांच्या पालख्यांचे आगमन होईल. आई सोमजाई मंदिराच्या सभामंडपाचे उद्घाटन शुक्रवार दिनांक १८ एप्रिल रोजी शिवसेना नेते, माजी मंत्री रामदासभाई कदम आणि गृह व महसूल राज्यमंत्री ना. योगेशदादा रामदाभाई कदम यांच्या हस्ते होणार आहे .या सोहळ्यावेळी शिवसेना उपनेते, माजी आमदार संजयराव कदम यांच्यासह अन्य मान्यवर उपस्थित राहणार आहेत. शुक्रवार दिनांक १८ एप्रिल करमणुकीचा कार्यक्रम छत्रपती कलामंच, शिवाजीनगर, अंबरनाथ मुंबई यांच्या रंगात रंगला महाराष्ट्र या कार्यक्रमाचे आयोजन करण्यात आले आहे. शनिवार दिनांक १९ एप्रिल २०२५ रोजी दुपारी २:३० वाजता चौकपूजन व लाट फिरवणे तसेच आलेल्या गावांचे ग्रामदेवता पालख्यांचा निरोप समारंभ होईल. खवटी गावचा ग्रामदैवत श्री केदारनाथ व दिवाणखवटी गावची ग्रामदैवत आई सोमजाईदेवी या दोन भावा - बहिणीची भेट होऊन जत्रोत्सवाची सांगता होईल.