.jpg)
1.jpg)
ठाणे(प्रतिनिधी) - भारतरत्न डॉ. बाबासाहेब आंबेडकर यांची 134 वी जयंती ठाणे शहरात मोठ्या उत्साहात साजरी करण्यात आली. ठाणे महापालिकेच्या वतीने आयोजित करण्यात आलेल्या अभिवादन कार्यक्रमात उपमुख्यमंत्री एकनाथ शिंदे यांनी कोर्ट नाका येथील डॉ. बाबासाहेब आंबेडकर यांच्या पुतळ्यास पुष्पहार अर्पण करून अभिवादन केले. त्यांच्यासह खासदार नरेश म्हस्के, जिल्हाधिकारी अशोक शिनगारे आणि महापालिका आयुक्त सौरभ राव यांनीही डॉ. बाबासाहेब आंबेडकर यांना पुष्प अर्पण करून अभिवादन केले. कोर्टनाका येथे झालेल्या कार्यक्रमास माजी खासदार आनंद परांजपे, माजी महापौर संजय मोरे, माजी नगरसेवक पवन कदम, उपायुक्त जी.जी. गोदेपुरे, उपायुक्त शंकर पाटोळे यांच्यासह नागरिक मोठ्या संख्येने उपस्थित होते.
त्यापूर्वी, ठाणे महापालिकेच्या वतीने ठाणे रेल्वे स्थानक येथील डॉ. बाबासाहेब आंबेडकर यांच्या पुतळ्यास पुष्पहार अर्पण करून अभिवादन करण्यात आले. या प्रसंगी, उपायुक्त उमेश बिरारी, उपायुक्त शंकर पाटोळे, सहाय्यक आयुक्त सोपान भाईक आदी उपस्थित होते. मुख्यालयात अभिवादन दरम्यान, ठाणे महापालिका मुख्यालयातील कै. नरेंद्र बल्लाळ सभागृह येथे डॉ. बाबासाहेब आंबेडकर यांच्या पुतळ्यास अभिवादन करण्यात आले. त्याप्रसंगी, उपायुक्त उमेश बिरारी, माहिती व जनसंपर्क अधिकारी रवींद्र मांजरेकर, यांच्यासह ठाणे महापालिकेचे अधिकारी, कर्मचारी आणि नागरिक उपस्थित होते. तसेच, महापालिका मुख्यालयातील पत्रकार कक्ष येथेही डॉ. बाबासाहेब आंबेडकर यांच्या प्रतिमेस अभिवादन करण्यात आले. त्याप्रसंगी, उपायुक्त (मुख्यालय) जी. जी. गोदेपुरे यांच्यासह पत्रकार संघाचे पदाधिकारी, पत्रकार आदी उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.