उपमुख्यमंत्री शिंदेंचा आज माणगाव दौरा

2025-06-08 00:00:00

टाइम्स स्पेशल

माणगाव : माणगाव येथील शैक्षणिक क्षेत्रात अग्रेसर असणार्‍या माणगाव शिक्षण प्रसारक मंडळाच्या मातोश्री गंगुबाई संभाजी शिंदे सीबीएसई इंग्रजी माध्यमाच्या शाळेचा उद्घाटन सोहळा सोमवार दि. 9 जून रोजी दुपारी 1 वाजता राज्याचे उपमुख्यमंत्री एकनाथ शिंदे यांच्या हस्ते करण्यात येणार आहे.

https://ratnagiritimes.in//assets/images/2020/add/2020/sky22.jpg

हा सोहळा माणगाव शहरातील गणेश नगर, निजामपूर रोड येथील अमित कॉम्प्लेक्स समोरील मातोश्री गंगुबाई संभाजी शिंदे सीबीएसई इंग्रजी माध्यमाच्या शाळेच्या विस्तीर्ण पटांगणात संपन्न होणार असून या कार्यक्रमाची जय्यत तयारी झाली आहे अशी माहिती संस्थेचे अध्यक्ष राजीव साबळे यांनी पत्रकार परिषदेमध्ये दिली. या उद्घाटन सोहळ्याला उपमुख्यमंत्री एकनाथ शिंदे, खासदार सुनील तटकरे, भारतीय जनता पक्षाचे महाराष्ट्र प्रदेश कार्यकारी अध्यक्ष रविंद्र चव्हाण, उद्योग मंत्री उदय सामंत, रोजगार हमी योजना आणि फलोत्पादन मंत्री भरत गोगावले, महिला व बालकल्याण मंत्री आदिती तटकरे, गृहराज्यमंत्री योगेश कदम, खासदार डॉ. श्रीकांत शिंदे, खासदार श्रीरंग बारणे, धैर्यशील पाटील, आमदार महेंद्र दळवी, महेंद्र थोरवे, रविंद्र पाटील, प्रशांत ठाकूर, निरंजन डावखरे, ज्ञानेश्वर म्हात्रे, नगराध्यक्षा शर्मिला सुर्वे आदी मान्यवर उपस्थित राहणार आहेत.