.jpg)
.jpg)
.jpg)
2.jpg)
1.jpg)
.jpg)
.jpg)
.jpg)
.jpg)
पुणे: मुंबई-पुणे एक्स्प्रेसवे वरील वाहनचालकांसाठी दिलासादायक बातमी आहे. गेल्या 32 तासांपासून ठप्प झालेली पुणे ते मुंबई दिशेची वाहतूक अखेर संथ गतीने सुरू झाली आहे. आडोशी बोगद्याजवळ उलटलेल्या अपघातग्रस्त गॅस टँकरला सुरक्षित स्थळी हटवण्यात प्रशासनाला यश आलं असून, त्यानंतर वाहतूक हळूहळू पूर्वपदावर येत आहे. मंगळवारी सायंकाळी मुंबई-पुणे एक्स्प्रेस वेवर आडोशी बोगद्याच्या परिसरात एक गॅस टँकर अचानक पलटी झाला. टँकरमधून गॅसची मोठ्या प्रमाणावर गळती सुरू झाल्याने सुरक्षिततेच्या कारणास्तव तात्काळ महामार्गावरील वाहतूक बंद करण्यात आली. खबरदारी म्हणून अग्निशमन दल, पोलीस, आपत्ती व्यवस्थापन पथक आणि महामार्ग प्राधिकरणाचे अधिकारी घटनास्थळी दाखल झाले.
या अपघाताचा मोठा परिणाम वाहतुकीवर झाला. आडोशी बोगदा ते उर्से टोल नाक्यापर्यंत तब्बल 50 किलोमीटर लांबीची भीषण वाहतूक कोंडी निर्माण झाली. या कोंडीत हजारो खासगी वाहने, एसटी, लक्झरी बसेस, मालवाहतूक करणारे ट्रक अडकून पडले होते. अनेक वाहनचालक आणि प्रवासी तासनतास महामार्गावर अडकून राहिले. अन्न, पाणी आणि मूलभूत सुविधांचा अभाव यामुळे प्रवाशांचे मोठे हाल झाले. गॅस गळतीमुळे कोणताही अनुचित प्रकार घडू नये यासाठी प्रशासनाने अत्यंत काळजीपूर्वक कारवाई केली. तांत्रिक अडचणी आणि सुरक्षिततेच्या कारणांमुळे टँकर हटवण्याच्या प्रक्रियेला वेळ लागला. अखेर 32 तासांच्या अथक प्रयत्नांनंतर अपघातग्रस्त टँकरला क्रेनच्या सहाय्याने हटवण्यात आले आणि मार्ग वाहतुकीसाठी खुला करण्यात आला.
टँकर हटवल्यानंतर पुण्याकडून मुंबईकडे जाणाऱ्या मार्गिकेवरील वाहतूक संथ गतीने सुरू झाली आहे. मात्र, मोठ्या प्रमाणावर साचलेली वाहने आणि रस्त्यावर झालेली वाहतूक कोंडी पूर्णपणे कमी होण्यासाठी काही वेळ लागण्याची शक्यता प्रशासनाने व्यक्त केली आहे. वाहनचालकांनी संयम बाळगावा आणि पर्यायी मार्गांचा वापर करावा, असं आवाहनही करण्यात आलं आहे. दरम्यान, या अपघातात कोणतीही जीवितहानी झाली नसल्याची माहिती प्रशासनाकडून देण्यात आली असून, घटनेच्या नेमक्या कारणांचा तपास सुरू आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.