.jpg)
.jpg)
.jpg)
2.jpg)
1.jpg)
.jpg)
.jpg)
.jpg)
.jpg)
दापोली (वार्ताहर): दापोली तालुक्यातील नानटे सजा येथील ग्राम महसूल अधिकारी श्रद्धा बालाजी बंडे (वय ३०) यांना आज दुपारी दापोली तहसीलदार कार्यालयाच्या एका सभागृहात १० हजार रुपयांची लाच स्वीकारताना लाचलुचपत प्रतिबंधक विभागाने रंगेहात पकडले. तक्रारदाराने मौजे तेरेवायंगणी येथील गट नं. ३११ मधील ७८ गुंठे जमीन खरेदी केली होती. या जमिनीच्या ७/१२ उतार्यावर नाव नोंद करण्यासाठी त्यांनी तलाठी कार्यालयात संपर्क साधला होता. यावेळी ग्राम महसूल अधिकारी (तलाठी) श्रद्धा बंडे यांनी फेरफार नोंद करून उतारा देण्यासाठी त्यांच्याकडे १० हजार रुपयांची मागणी केली होती, तक्रारदार याने २४ फेब्रुवारी रोजी तलाठी बंडे यांची पुन्हा भेट घेऊन तक्रारदाराने खरेदी खताची नोंद मंजूर करून फेरफार व सात बाराचा उतारा मागितला असता त्यासाठी तलाठी बंडे यांनी तक्रारदार यांचेकडे १० हजार रुपयांची मागणी केली होती.
तक्रारदार यांनी याबाबत लाच लुचपत प्रतिबंधक विभाग यांचेकडे तक्रार दिल्यानंतर आज २५ फेब्रुवारी २०२६ रोजी सापळा कारवाई करण्यात आली. या कारवाईदरम्यान संबंधित तलाठी यांनी लाचेची रक्कम पंचासमक्ष रक्कम स्वीकारली. त्यानंतर त्यांना तत्काळ ताब्यात घेण्यात आले. या कारवाईत लाचलुचपत प्रतिबंधक विभाग, रत्नागिरीचे पोलीस उपअधीक्षक अविनाश पाटील, निरीक्षक मच्छिन्द्र जाधव, सुहास रोकडे, सहाय्यक पोलीस उपनिरीक्षक सुहास चांदणे, हवालदार श्रेया विचारे, दीपक आंबेकर, राजेश गावकर, समिता क्षीरसागर सहभागी झाले होते. दापोलीच्या तहसीलदार कार्यालयातील एका सभागृहात भर दुपारी या महिला तलाठी यांना लाच घेताना रंगेहात पकडल्याने दापोलीत खळबळ उडाली आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.