3.jpg)
लांजा (संजय साळवी) - शुक्रवारी ८ मे रोजी सायंकाळी ६.३० वागण्याचा सुमारास वादळी वाऱ्यासह विजांचा कडकडाट करत कोसळलेल्या मुसळधार पावसाने लांजा शहरासह तालुक्यातील काही गावांना झोडपून काढले. या पावसामुळे वीजपुरवठा काही काळ खंडित झाला होता. दरम्यान, पावसाच्या या जोरदार आगमनामुळे आंबा व काजू बागायतदार शेतकरी धास्तावून गेले आहेत. गेल्या दोन दिवसांपासून वातावरण ढगाळ झाले होते. उष्म्यात देखील प्रचंड वाढ झाली होती. त्यामुळे सकाळपासूनच पावसाची अटकळ बांधली जात होती. लांजा शहर वगळता तालुक्याच्या पूर्व भागातील काही गावांमध्ये गुरुवारी ७ मे रोजी सायंकाळी वादळी वाऱ्यासह पाऊस पडला होता. शुक्रवारी ८ मे रोजी देखील सकाळपासून वातावरण ढगाळ झाले होते. त्यामुळे दिवसभर उष्म्यात प्रचंड वाढ झाली होती. सायंकाळी ६.३० वाजण्याच्या सुमारास अचानक आकाशात पावसाचे ढग भरून आले आणि त्यानंतर सोसाट्याच्या वाऱ्यासह विजांचा कडकडाट करत पावसाने लांजा शहरासह तालुक्यातील काही गावांमध्ये दमदार हजेरी लावली.
सध्या मुंबईकर चाकरमान्यांची आणि गावकऱ्यांची मुंबई तसेच गावाला ये-जा सुरू आहे. अशा परिस्थितीत कोसळलेल्या पावसामुळे लोकांची एकच धावपळ उडाली. सुमारे पाऊण तासभर हा पाऊस कोसळत होता. पावसामुळे लांजा शहर परिसरातील वीजपुरवठा देखील पूर्णपणे खंडित झाला होता. दरम्यान, आधीच संकटात सापडलेला कोकणातील आंबा व काजू बागायतदार या पावसामुळे आणखीन संकटात सापडला आहे. काजू हंगाम संपत आला असला तरी आंबा हंगाम अजून सुरू असल्याने आंब्याचे मोठ्या प्रमाणात नुकसान होणार असल्याने आंबा बागायतदार चिंताग्रस्त बनला आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.