खेळाडूंनी किकबॉक्सिंगमध्ये फडकवला यशाचा झेंडा

2025-10-01 00:00:00

टाइम्स स्पेशल

सावंतवाडी (प्रतिनिधी)- सिंधुदुर्ग जिल्हा क्रीडा संकुलात नुकत्याच पार पडलेल्या जिल्हास्तरीय किकबॉक्सिंग स्पर्धेत येथील खेळाडूंनी जबरदस्त कौशल्य दाखवत आपले वर्चस्व सिद्ध केले आहे. या स्पर्धेत सिंधुदुर्गकरांनी ६ सुवर्ण, ९ रौप्य आणि १२ कांस्य अशा एकूण २७ पदकांची कमाई करून जिल्ह्याच्या शिरपेचात मानाचा तुरा खोवला आहे. बांदा, सावंतवाडी, मळगाव आणि शिरोडा या भागातील खेळाडूंनी या स्पर्धेत उत्कृष्ट कामगिरी केली. सर्व वयोगटातील खेळाडूंनी सहभागी होऊन जबरदस्त खेळ सादर केला, ज्यामुळे संपूर्ण वातावरण थरारक झाले होते. रिंगमध्ये खेळाडूंच्या प्रत्येक फटक्यावर प्रेक्षकांनी जल्लोष केला, तर पंचांचा सतर्कपणा आणि खेळाडूंचा प्रचंड आत्मविश्वास यामुळे स्पर्धेची रंगत वाढली होती.

https://ratnagiritimes.in//assets/images/2020/add/2020/sky22.jpg

या चमकदार कामगिरीमागे प्रशिक्षक किरण देसाई यांचे कुशल मार्गदर्शन महत्त्वाचे ठरले. त्यांनी खेळाडूंना शिस्त, फिटनेस आणि तांत्रिक कौशल्यांवर भर देत कठोर प्रशिक्षण दिले. खेळाडूंची मेहनत, प्रशिक्षकांचे मार्गदर्शन, पालकांचा पाठिंबा आणि शाळेचा सक्रीय सहभाग यांचा समन्वय या विजयात दिसून आला. सध्या या विजेत्या खेळाडूंचे गावोगावी सत्कार होत असून, परिसरात आनंदाचे वातावरण आहे. या यशाच्या पार्श्वभूमीवर, आता सगळ्यांच्या मनात एकच अपेक्षा आहे – "सिंधुदुर्गच्या या चमकदार यशाला पुढे नेत, आपल्या भागातील खेळाडूंनी राज्य व राष्ट्रीय स्तरावरही मोठे यश मिळवावे आणि जिल्ह्याचे नाव उज्वल करावे, अशी अपेक्षा व्यक्त करण्यात येत आहे.