बांदा (प्रतिनिधी) - श्री देवी माऊली सांस्कृतिक उत्सव मंडळ, रोणापाल यांच्या वतीने आयोजित आणि मंडळाचे अध्यक्ष प्रकाश गावडे यांच्या पुरस्कृत ‘खेळ पैठणीचा श्रीमान-श्रीमती’ या भव्य कार्यक्रमात स्नेहल गावडे यांनी विजेतेपद पटकावले. उपविजेतेपद सुहानी केणी यांच्या वाट्याला आले. तिसरा क्रमांक अनादी गावडे, चौथा ज्योती केणी, पाचवा राधिका परब आणि सहावा क्रमांक योगीता केणी यांनी मिळवला.
हा रंगतदार कार्यक्रम श्री देवी माऊली मंदिराच्या प्रांगणात उत्साहात पार पडला. कार्यक्रमात खेळांची धमाल आणि सहभागींच्या आनंदमय उपस्थितीने वातावरण रंगले होते. विजेत्या स्पर्धकांना स्मृतिचिन्ह आणि पैठणी असे आकर्षक बक्षिस देण्यात आले. स्पर्धकांनी आपल्या मनोगतातून असा उपक्रम दरवर्षी व्हावा, अशी अपेक्षा व्यक्त केली.
कार्यक्रमाच्या मध्यंतरात किशोरवयीन मुलांसाठी खास मनोरंजनात्मक कार्यक्रम सादर करण्यात आला. जीवबा वीर यांनी बहारदार निवेदन करून कार्यक्रमाची शोभा वाढवली. यावेळी मंडळाचे पदाधिकारी, ग्रामस्थ आणि महिला वर्ग मोठ्या संख्येने उपस्थित होते. माऊली सांस्कृतिक मंडळाने गावातील सामाजिक एकतेचा आणि सांस्कृतिक वारशाचा उत्कृष्ट आविष्कार या उपक्रमातून सादर केला.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.