सावंतवाडी (प्रतिनिधी): सावंतवाडी नगरपरिषद निवडणुकीचे निकाल जाहीर झाल्यानंतर माजी शिक्षणमंत्री आणि आमदार दीपक केसरकर यांनी आपली प्रतिक्रिया व्यक्त केली आहे. "शहरातील नागरिकांनी दिलेला कौल आम्हाला मान्य असून, शिवसेना आणि भाजपमधील ही मैत्रीपूर्ण लढत होती. विजयी नगराध्यक्ष आणि नगरसेवकांना माझे आमदार म्हणून पूर्ण सहकार्य राहील," असे आश्वासन त्यांनी यावेळी दिले. निवडणूक निकालावर भाष्य करताना केसरकर म्हणाले की, ही निवडणूक शिवसेना आणि भाजपमध्ये मैत्रीपूर्ण पद्धतीने लढली गेली. लोकशाहीत जनतेचा निर्णय सर्वोच्च असतो आणि सावंतवाडीकरांनी जो कौल दिला आहे, त्याचा आम्ही मनापासून स्वीकार करतो. शहराच्या विकासासाठी आणि नगरपालिकेच्या चांगल्या कामांसाठी मी सदैव पाठीशी उभा राहीन, असेही त्यांनी स्पष्ट केले.
आपल्या पराभूत उमेदवारांबद्दल खंत व्यक्त करताना आमदार केसरकर यांनी प्रकृतीचे कारण नमूद केले. ते म्हणाले, "माझी तब्येत बरी नसल्यामुळे मी निवडणूक काळात प्रत्येक प्रभागात जाऊन प्रचार करू शकलो नाही. जर मी स्वतः प्रभागनिहाय फिरलो असतो, तर निकालाचे चित्र नक्कीच वेगळे दिसले असते आणि निकालात मोठा फरक पडला असता. आमच्या उमेदवारांच्या पराभवाचे मला निश्चितच दुःख आहे."
केसरकर यांनी नवनिर्वाचित नगराध्यक्षा श्रध्दाराजे भोसले आणि सर्व विजयी नगरसेवकांचे अभिनंदन केले आहे. सावंतवाडी शहराच्या प्रगतीसाठी सर्वांनी मिळून काम करावे, अशी अपेक्षा व्यक्त करत त्यांनी पुढील वाटचालीस शुभेच्छा दिल्या आहेत.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.