खेड (प्रतिनिधी) - राजमाता महिला शिक्षण शास्त्र महाविद्यालय वाजलेसवाडी सांगली येथे झालेल्या कोल्हापूर विभागस्तरीय शासकीय कर्मचाऱ्यांच्या संगीत वाद्य वादन स्पर्धेमध्ये नांदिवली दंडवाडी शाळेचे मुख्याध्यापक तसेच शिक्षक समिती शाखा खेडचे प्रवक्ते दिलीप यादव यांनी पाचवा क्रमांक मिळवल्याबद्दल त्यांचे सर्व स्तरातून अभिनंदन होत आहे. आज झालेल्या स्पर्धेमध्ये दिलीप यादव यांनी सुरेल असे पेटी वादन करून उपस्थित स्पर्धकांना मंत्रमुग्ध केले.
त्याचबरोबर परीक्षकांनाही मंत्रमुग्ध करून परीक्षकांची वाहवा मिळवली. त्यांना तबल्याची साथ शिक्षक समितीचे जिल्हा कार्यकारणी सदस्य श्रीकृष्ण खांडेकर यांनी दिली. तर टाळ वादन राजेश गुरवले यांनी केले. याआधी खेड येथे झालेल्या संगीत वाद्य वादन स्पर्धेमध्ये देखील त्यांनी उत्कृष्ट सुरपेटी वादन करून प्रथम क्रमांक प्राप्त केला होता. दिलीप यादव यांनी विभागीय स्पर्धेमध्ये पाचवा क्रमांक मिळवला. त्यामुळे त्यांची या स्पर्धेमध्ये राज्यस्तरावर निवड झाली असून त्यांनी खेड तालुक्याच्या शिक्षकांच्या शिरपेचात मानाचा तुरा रोवला आहे. त्यांच्या या यशाबद्दल खेडचे गटविकास अधिकारी गणेश मंडलिक व गटशिक्षणाधिकारी विजय बाईत यांनी दिलीप यादव यांचे अभिनंदन केले आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.