दोडामार्ग (प्रतिनिधी) - पाणी टंचाईवर मात करण्यासाठी आणि पावसाच्या पाण्याचा जास्तीत जास्त साठा व्हावा, या उद्देशाने ग्रामपंचायत तळेखोल यांच्या वतीने जलसंवर्धनाचा आदर्श उपक्रम राबविण्यात आला. अवघ्या एका दिवसात तीन वनराई बंधारे उभारून ग्रामपंचायतीने पाणी साठवणुकीच्या दिशेने महत्त्वपूर्ण पाऊल टाकले आहे. या उपक्रमाचे नेतृत्व सरपंच वंदना सावंत यांच्या मार्गदर्शनाखाली करण्यात आले. यावेळी उपसरपंच महादेव नाईक यांच्यासह ग्रामपंचायत सदस्य भरत सावंत, गिरीजा दळवी, सुरेखा शेळके, शाम गवस, सिंचल सावंत, उर्मिला गवस उपस्थित होते.
तसेच कृषी विभागाकडून तालुका कृषी अधिकारी सौरभ कदम, मंडळ कृषी अधिकारी प्रकाश घाडगे, सहाय्यक कृषी अधिकारी दोडामार्ग विवेक सोनवणे, उपकृषी अधिकारी ए. एस. कोळी यांनी उपस्थित राहून मार्गदर्शन केले. या जलसंवर्धन उपक्रमात नारायण सावंत, पंकज गवस, अक्षय सावंत, अनिकेत सावंत, अनिल सावंत, रामचंद्र सावंत, गणपत दळवी, लता नाईक, राधिका सावंत, अंबिका दळवी, दीक्षा गवस, पार्वती गवस, रेणुका नाईक, मनीष सावंत, ऋषी सावंत यांच्यासह इतर ग्रामस्थांनी उत्स्फूर्त सहभाग नोंदविला.
गावातील ओढे व नैसर्गिक जलप्रवाहांवर उभारण्यात आलेल्या या वनराई बंधाऱ्यांमुळे पावसाळ्यात वाहून जाणारे पाणी अडवले जाणार असून, त्यामुळे भूजल पातळी वाढण्यास मदत होणार आहे. शेतकरी, जनावरे तसेच ग्रामस्थांना याचा दीर्घकालीन लाभ होणार आहे. लोकसहभागातून राबविण्यात आलेला हा उपक्रम इतर ग्रामपंचायतींसाठी प्रेरणादायी ठरणारा असून, भविष्यातही जलसंवर्धन व पर्यावरण रक्षणासाठी असेच उपक्रम राबविण्याचा मानस ग्रामपंचायत तळेखोलने व्यक्त केला आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.