सावंतवाडी (प्रतिनिधी) : सार्वजनिक बांधकाम विभागाचे निवृत्त अभियंता आणि रोटरी क्लब सावंतवाडीचे माजी अध्यक्ष रो. विजय कामत यांचे वडील एन. बी. कामत (८५) यांचे बुधवारी दुपारी वृद्धापकाळामुळे निधन झाले. त्यांच्या निधनाने शोक व्यक्त होत आहे. एन. बी. कामत यांचा जन्म १९४० मध्ये धारवाड (कर्नाटक) येथे झाला होता. नोकरीच्या निमित्ताने ते सावंतवाडीत आले आणि इथलेच कायमचे रहिवासी झाले. सार्वजनिक बांधकाम विभागात अभियंता म्हणून कार्यरत असताना त्यांनी अत्यंत प्रामाणिक, कष्टाळू आणि कर्तव्यदक्ष अधिकारी म्हणून आपली ओळख निर्माण केली होती. आपल्या मृदू स्वभावामुळे ते सर्वधर्मीय समाजात अत्यंत प्रिय होते.
त्यांच्या पश्चात मुलगा रो. विजय कामत (आर्किटेक्ट), दोन विवाहित मुली, सून आणि नातवंडे असा मोठा परिवार आहे. त्यांच्या दोन्ही मुली सध्या कर्नाटकात स्थायिक आहेत. एन. बी. कामत यांची अंत्ययात्रा उद्या गुरुवारी (२५ डिसेंबर) दुपारी त्यांच्या सालईवाडा येथील निवासस्थानावरून निघणार असून, वेंगुर्ला येथे त्यांच्या पार्थिवावर अंत्यसंस्कार करण्यात येणार आहेत.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.