खेड - येथील सहजीवन शिक्षण संस्थेच्या आय.सी.एस. कला, वाणिज्य व विज्ञान महाविद्यालय तसेच मदनभाई सुरा इन्स्टिट्यूट ऑफ मॅनेजमेंट या महाविद्यालयांचे स्नेहसंमेलन नुकतेच स्वर्गीय मीनाताई ठाकरे सांस्कृतिक भवन येथे पार पडले. या स्नेहसंमेलनाचे प्रमुख पाहुणे म्हणून सुप्रसिद्ध अभिनेते, हास्य जत्रा फेम, अरुण कदम हे उपस्थित होते. सहजीवन शिक्षण संस्थेच्या वतीने अरुण कदम, अभिनेत्री धनश्री दळवी व ऑर्केस्ट्रा कलाकार अनिल राजम यांचा शाल, श्रीफळ, पुष्पगुच्छ व सन्मानचिन्ह देऊन सन्मान करण्यात आला. या प्रसंगी अरुण कदम यांच्या हस्ते महाविद्यालयातील विविध क्षेत्रात उल्लेखनीय कामगिरी करणाऱ्या विद्यार्थ्यांना मेडल व प्रशस्तीपत्र देऊन गौरविण्यात आले.
अरुण कदम यांनी विद्यार्थ्यांना संबोधित करताना, आपली आवड ओळखून त्याच क्षेत्रात आपले करिअर करण्याचा संदेश दिला. तसेच स्नेहसंमेलनाच्या कार्यक्रमात अभिनेत्री दळवी यांच्या समवेत विनोदाची फटकेबाजी करत विद्यार्थ्यांचे मनोरंजन केले. त्याला विद्यार्थ्यांनी हशा आणि टाळ्यांनी प्रचंड दाद दिली. व्यासपीठावर सहजीवन शिक्षण संस्थेचे उपाध्यक्ष नंदकुमार गुजराथी, कार्याध्यक्ष मंगेशभाई बुटाला, विश्वस्त विलासभाई बुटाला, महाविद्यालयाच्या गव्हर्निंग कौन्सिलचे चेअरमन ॲड. आनंदराव भोसले, आय.सी.एस. महाविद्यालयाच्या प्राचार्या प्रो. डॉ. अनिता आवटी, एम.बी.ए. महाविद्यालयाचे डायरेक्टर डॉ. प्रसाद भणगे, तसेच इतर संस्था पदाधिकारी उपस्थित होते.
कार्यक्रमाचे सूत्रसंचालन सांस्कृतिक विभाग प्रमुख डॉ. अमोल पाटील व धनश्री नायर यांनी केले तर आभार प्रदर्शन ग्रंथपाल डॉ. राजेश राजम यांनी केले. अरुण कदम यांनी विद्यार्थ्यांच्या कार्यक्रमाचा आस्वाद घेत सर्व विद्यार्थ्यांचे कौतुक केले. स्नेह संमेलनाच्या यशस्वी आयोजनासाठी अधीक्षक डी.एम.शिंदे, वैभव नागे, संतोष सावरकर आणि इतर सर्व कर्मचारी यांचे विशेष सहकार्य लाभले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.