आंबोली (प्रतिनिधी) - येथील सिंधुदुर्ग सैनिक स्कूलचा २१ वा वर्धापन दिन मोठ्या उत्साहात आणि लष्करी शिस्तीत साजरा करण्यात आला. दोन दिवस चाललेल्या या सोहळ्यात विद्यार्थ्यांच्या अंगभूत गुणांचे दर्शन घडवणारे सांस्कृतिक कार्यक्रम आणि चित्तथरारक मैदानी प्रात्यक्षिके आकर्षण ठरली. पहिला दिवस: गुणगौरव आणि सांस्कृतिक कार्यक्रम कार्यक्रमाचा शुभारंभ सिंधुदुर्ग अँटी करप्शन ब्युरोचे उपअधीक्षक श्री. विजय पांचाळ यांच्या हस्ते दीपप्रज्वलनाने झाला. प्रास्ताविकात प्राचार्य नितीन गावडे यांनी शाळेच्या वार्षिक उपक्रमांचा आढावा घेतला. श्री. पांचाळ यांनी आपल्या भाषणात शाळेच्या उपक्रमांचे कौतुक करत, विद्यार्थ्यांमध्ये नेतृत्वगुणांसोबतच संवेदनशीलता जपण्याचे आवाहन केले. यावेळी वर्षभरात उत्कृष्ट कामगिरी करणाऱ्या शिक्षक, कर्मचारी आणि गुणवंत विद्यार्थ्यांचा सत्कार करण्यात आला. यामध्ये बेस्ट टीचर म्हणून अरुण गावडे, मायाप्पा शिंदे, संजय पोतदार, नागेश पांढरे, सुभेदार मेजर शिवराज पवार, कॅप्टन जयराम कोळी, सतिश अहिर यांचा, तर शिक्षकेतर कर्मचारी आनंद कुडाळकर व बाबूराव झाडे यांचा गौरव करण्यात आला. शैक्षणिक क्षेत्रात चमकलेल्या कॅडेट सर्वेश गावडे, गौरांग पेडणेकर, देवेश परब, सोहम भिके आणि रितेश हरमलकर या विद्यार्थ्यांनाही पारितोषिके देऊन सन्मानित करण्यात आले.
दुसऱ्या दिवशी सिंधुदुर्ग जिल्हा पोलीस अधीक्षक डॉ. मोहन दहिकर यांचे प्रमुख पाहुणे म्हणून आगमन झाले. विद्यार्थ्यांनी कोलाजच्या माध्यमातून शाळेच्या उपक्रमांची माहिती दिली. त्यानंतर झालेल्या संचलनात विद्यार्थ्यांनी मान्यवरांना मानवंदना दिली. लहान सैनिकांनी सादर केलेली लाठीकाठी, झांज प्रात्यक्षिक, ज्युदो-कराटे, मल्लखांब, लेझिम, बेओनेट फाईट आणि ऑबस्टॅकल्स (अडथळ्यांची शर्यत) यांसारख्या साहसी प्रात्यक्षिकांनी उपस्थितांच्या डोळ्यांचे पारणे फेडले. यावेळी शाळेच्या वार्षिक विशेषांक 'वेध' चे प्रकाशनही मान्यवरांच्या हस्ते करण्यात आले.
महत्त्वाचे पुरस्कार आणि सत्कार: १० वी बोर्ड: कॅडेट अशोक विलास घोडके (प्रथम). १२ वी बोर्ड: कॅडेट तनुष गुरुनाथ राऊत (प्रथम). बेस्ट कॅडेट: कॅडेट गिरीराज बाळकृष्ण मुंडल्ये. बेस्ट स्पोर्ट्समन: कॅडेट हर्ष आत्माराम देसाई. चॅम्पियन हाऊस ऑफ द इयर: प्रतापगड हाऊस. संस्थाध्यक्ष सुनील राऊळ यांनी आपल्या भाषणात सांगितले की, शाळेचा १० वी आणि १२ वी चा निकाल १०० टक्के लागत असून, जास्तीत जास्त विद्यार्थी एन.डी.ए. (NDA) परीक्षेत यशस्वी व्हावेत यासाठी शिक्षक प्रयत्नशील आहेत. यावर्षी संपूर्ण शाळा डिजिटल करण्याचा संकल्प संस्थेने केला असून पालकांनी यासाठी सहकार्य करावे, असे आवाहन त्यांनी केले. 'मुख्यमंत्री माझी शाळा, सुंदर शाळा' स्पर्धेत शाळेने तालुक्यात प्रथम क्रमांक पटकावल्याचा उल्लेखही त्यांनी अभिमानाने केला. या कार्यक्रमाला सिंधुदुर्ग सैनिक स्कूलचे सर्व संचालक, माजी सैनिक, पदाधिकारी, पालक प्रतिनिधी, ग्रामस्थ आणि माजी विद्यार्थी मोठ्या संख्येने उपस्थित होते. कार्यक्रमाचे सूत्रसंचालन ऋषिकेश गावडे व हंबीरराव अडकूरकर यांनी केले, तर आभार प्राचार्य नितीन गावडे यांनी मानले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.