वैभववाडी पंचायत समिती सदस्यपदाची आरक्षण सोडत जाहीर

2025-10-13 00:00:00

टाइम्स स्पेशल

वैभववाडी (प्रतिनिधी) - राज्य निवडणूक आयोगाच्या निर्देशानुसार वैभववाडी पंचायत समिती सदस्यपदाच्या आरक्षण निश्चितीची सोडत सोमवारी तहसीलदार कार्यालय वैभववाडी येथे उपजिल्हाधिकारी नितीन राऊत व वैभववाडी तहसीलदार सूर्यकांत पाटील यांच्या उपस्थितीत जाहीर करण्यात आले. वैभववाडी पंचायत समिती सदस्य पदासाठी सहा जागा असून त्यापैकी तीन जागा महिलांसाठी आरक्षित तर तीन जागा सर्वसाधारण आरक्षित करण्यात आले आहेत महिलांच्या तीन पैकी कोकिसरे प स ही ना मा प्र महिलासाठी आरक्षित करण्यात आली आहे. वैभववाडी पंचायत समितीचे सभापती पद सर्वसाधारण आरक्षित असल्याने भुईबावडा खांबाळे व लोरे हे सर्वसाधारण साठी आरक्षित झाल्याने या मतदारसंघातील उमेदवार सभापती पदासाठी दावेदार असतील. भुईबावडा प स सर्वसाधारण कोळपे प स सर्वसाधारण महिला, उंबर्डे प स सर्वसाधारण महिला कोकिसरे प स ना मा प्र महिला, खांबाळे प स सर्वसाधारण, लोरे प स सर्वसाधारण असे वैभववाडी पंचायत समितीच्या सहा जागा आरक्षित करण्यात आले आहेत.

https://ratnagiritimes.in//assets/images/2020/add/2020/sky22.jpg

यामध्ये लोरे प स मध्ये मागच्या वेळी ही सर्वसाधारण पडल्याने लक्ष्मण रावराणे हे निवडून आले होते व ते सभापती होते यावेळी सुद्धा लोरे प स सर्वसाधारण झाल्याने लक्ष्मण रावराणे यांना लॉटरी लागली आहे. तर कोकिसरे प स ना मा प्र महिलांसाठी आरक्षित होती त्यावेळी अक्षता डाफळे या मतदारसंघातून निवडून आल्या होत्या व त्या सभापती होत्या यावेळी सुद्धा कोकिसरे प स ना मा प्र महिलांसाठी आरक्षित झाल्याने अक्षता डाफळे यांना सुद्धा लॉटरी लागली आहे व उंबर्डे प स मागच्या वेळी सर्वसाधारण असल्याने अरविंद रावराणे हे निवडून आले होते यावेळी मात्र हा मतदारसंघ सर्वसाधारण महिलांसाठी आरक्षित झाल्याने अरविंद रावराणे यांचा पत्ता कट झाला त्यांना दुसरा मतदार संघ शोधावा लागणार आहे. वैभववाडी पंचायत समितीचे सभापती सर्वसाधारण आरक्षित असल्याने आणि यावेळी भुईबावडा खांबाळे व लोरे हे तीन मतदारसंघ सर्वसाधारण साठी आरक्षित असल्याने ही निवडणूक यावेळी रंगत होण्याची शक्यता आहे.