आय.सी.एस.च्या वाचन कट्ट्यावर अग्निपंख चे अभिवाचन

2025-10-15 00:00:00

टाइम्स स्पेशल

खेड - येथील सहजीवन शिक्षण संस्थेच्या आय.सी.एस. कला, वाणिज्य व विज्ञान महाविद्यालयात भारताचे माजी राष्ट्रपती भारतरत्न डॉ. ए.पी.जे. अब्दुल कलाम यांची जयंती मोठ्या उत्साहात साजरी करण्यात आली. तसेच हा दिवस वाचन प्रेरणा दिन म्हणून साजरा करण्यात आला. महाविद्यालयाच्या वाचन कट्ट्यावर या कार्यक्रमाचे आयोजन करण्यात आले होते. यावेळी उपस्थित मान्यवरांच्या हस्ते दीपप्रज्वलन करण्यात आले तसेच डॉ. कलाम यांच्या प्रतिमेचे पूजन करून पुष्पहार अर्पण करण्यात आला. यावेळी महाविद्यालयाच्या प्राचार्या प्रो. डॉ. अनिता आवटी यांनी सर्व विद्यार्थ्यांना वाचन प्रेरणा दिनाच्या शुभेच्छा दिल्या.

https://ratnagiritimes.in//assets/images/2020/add/2020/sky22.jpg

महाविद्यालयाचे ग्रंथपाल डॉ. राजेश राजम यांनी आपल्या प्रास्ताविकातून डॉ. कलामांच्या जीवन चरित्रावर प्रकाश टाकत, विद्यार्थ्यांनी जास्तीत जास्त वाचन करावे असे आवाहन केले. यावेळी वाचन प्रेरणा दिनाचे औचित्य साधत महाविद्यालयाची विद्यार्थिनी सिद्धीका मोहिते हिने डॉ. कलाम यांच्या अग्निपंख या आत्मचरित्राचे अभिवाचन केले. या कार्यक्रमास मॉडेल कॉलेज, आंबडवेचे प्रा. डॉ. राजेंद्र राऊत, वाणिज्य विभाग प्रमुख प्रा. डॉ. सी आर साळुंखे, आय.टी.,सी.एस.,बी.एम.एस. असे समन्वयक डॉ. सचिन भोसले, प्रा. मेघना कांबळे, महाविद्यालयाचे अधीक्षक डी. एम. शिंदे, इतर प्राध्यापक वर्ग, शिक्षकेतर कर्मचारी व बहुसंख्य विद्यार्थी उपस्थित होते. कार्यक्रमाचे सूत्रसंचालन व आभार प्रदर्शन ग्रंथपाल डॉ. राजेश राजम यांनी केले.