दुचाकीने महिलेला ठोकरून तिच्या मृत्यूस कारणीभूत ठरल्याप्रकरणी युवकावर गुन्हा

2025-10-15 00:00:00

टाइम्स स्पेशल

कणकवली (प्रतिनिधी )- अविचाराने आणि भरधाव वेगाने वाहन चालवणे, पादचाऱ्याला धडक देऊन जुमाबी हसन शिरगावकर (वय ६५, रा. मणचे, मुस्लीमवाडी) हिच्या मृत्यूस कारणीभूत ठरल्याप्रकरणी दुचाकीस्वार साहील अरूण नार्वेकर (वय २५, रा. निरोम, ता. मालवण) याच्या विरोधात गुन्हा दाखल करण्यात आला आहे. कणकवली आचरा मार्गावरील कलमठ सुतारवाडी येथे रस्ता ओलांडणाऱ्या वृद्धेला दुचाकीची धडक बसल्याने तिचा मृत्यू झाला आहे. ही घटना काल सकाळी साडे दहाच्या सुमारास घडली. जुमाबी हसन शिरगावकर (वय ६५, रा. मणचे, मुस्लीमवाडी) असे मयत झालेल्या वृद्धेचे नाव आहे.

https://ratnagiritimes.in//assets/images/2020/add/2020/sky22.jpg

कलमठ सुतारवाडी येथील सरफराज साखरकर याचा अपघात झाला होता. त्याला पाहण्यासाठी मणचे मुस्लीमवाडी येथून जुमाबी शिरगावकर, हुसेन साखरकर आणि काही नातेवाईक कलमठ सुतारवाडी येथे आले होते. सकाळी साडे दहाच्या सुमारास यातील जुमाबी शिरगावकर ही रस्ता ओलांडत होती. त्यावेळी आचरा मार्गावरून निरोप ते कणकवली असा प्रवास करणारा दुचाकीस्वार साहील अरूण नार्वेकर (वय २५, रा. निरोम, ता. मालवण) याच्या ताब्यातील दुचाकीची धडक जुमाबी यांना बसली. यात जुमाबी ह्या गंभीर जखमी झाल्या. त्यांना तातडीने कणकवली उपजिल्हा रूग्णालयात दाखल करण्यात आले. तेथे उपचार सुरू असताना आज त्यांचा मृत्यू झाला. या प्रकरणी हुसेन साखरकर यांनी कणकवली पोलीस ठाण्यात दुचाकीस्वाराविरोधात तक्रार दाखल केली.

टाईम्स स्पेशल

त्यानुसार दुचाकीस्वार साहील नार्वेकर याच्यावर कणकवली पोलिसांनी अविचाराने आणि भरधाव वेगाने वाहन चालवणे, पादचाऱ्याला धडक देऊन तिच्या मृत्यूस कारणीभूत ठरल्या प्रकरणी गुन्हा दाखल केला आहे. घटनेचा अधिक तपास सहाय्यक पोलीस उपनिरीक्षक राजेंद्र नानचे करत आहेत.