सावंतवाडी : तळवडे – कुंभारवाडी येथील सखाराम सोनू कुंभार (वय ७०) हे मासे पकडण्यासाठी ओहोळामध्ये गेले असता पाय घसरून पडल्याने त्यांचा पाण्यात बुडून मृत्यू झाला. पोलिसांनी घटनास्थळी धाव घेत पंचनामा केला याप्रकरणी पोलीस ठाण्यात आकस्मिक मृत्यूची नोंद करण्यात आली आहे. तळवडे – कुंभारवाडी येथील रहिवाशी असलेले सखाराम सोनू कुंभार हे मासे पकडण्यासाठी तळवडे परिसरातील एका ओहोळामध्ये गेले होते. मासे पकडण्याच्या प्रयत्नात असताना अचानक त्यांचा पाय घसरला आणि ते ओहोळाच्या पाण्यात पडले यावेळी ते पाण्यात बुडल्याने कुठेही दिसून आले नाही.
सखाराम कुंभार बराच वेळ झाला तरी घरी परतले नाहीत त्यामुळे कुटुंबीयांनी त्यांची शोधाशोध सुरू केली. अनेक तासांच्या शोध मोहिमेनंतर अखेर त्यांचा मृतदेह ओहोळात आढळून आला. या घटनेमुळे कुंभार कुटुंबावर दुःखाचा डोंगर कोसळला आहे. घटनेची माहिती मिळताच सावंतवाडी पोलिसांनी तात्काळ घटनास्थळी धाव घेतली. पोलिसांनी मृतदेहाचा पंचनामा केला आणि मृतदेह शवविच्छेदनासाठी पाठवण्यात आला. या प्रकरणी सावंतवाडी पोलीस अधिक तपास करत आहेत. सखाराम कुंभार यांच्या दुर्दैवी निधनामुळे तळवडे – कुंभारवाडी परिसरात शोककळा पसरली आहे. या घटनेने तळवडे परिसरात हळहळ व्यक्त होत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.