वाशी तर्फे संगमेश्वर पंचक्रोशीतील ग्रामस्थाचे दिनांक 16 रोजी रास्ता रोको आंदोलन

2025-10-15 00:00:00

टाइम्स स्पेशल

संगमेश्वर (सत्यवान विचारे) - संगमेश्वर तालुका, मुचरी, वाशी, कुळे, फणसवळे, बोरसूत पंचक्रोशी ग्रामस्थ रस्ता दुरुस्ती करता दिनांक 16 रोजी करणार बुरंबी येथे रस्ता रोको आंदोलन. मुचरी घोटळवाडी ते वाशी देवशेत, रस्ता हा नादुरुस्त असून ठिकठिकाणी रस्त्याला मधोमध मोठे खड्डे पडले आहेत. रस्ता दुरुस्ती साठी शासकीय कार्यालयाकडे पत्र व्यवहार करण्यात येऊन , तसेच लोकप्रतिनिधी यांना कळविले असून अद्याप रस्त्याच्या दुरुस्तीकडे कानाडोळा करण्यात आल्यामुळे ग्रामस्थाच्या सहनशिलतेचा अंत झाल्यामुळे अखेर आंदोलन करण्याचा पवित्रा घेण्यात आला आहे. आमसभेत सुद्धा वाशी सरपंच तन्वी गानू यांनी सुद्धा हा प्रश्न पोटतिडकीने उपस्थित केला होता.

https://ratnagiritimes.in//assets/images/2020/add/2020/sky22.jpg

सदर रस्त्याच्या दुरुस्तीकडे संबंधीत विभाग आणि लोकप्रतीनिधी यांनी दुर्लक्ष केल्यामुळे पंचक्रोशीतील ग्रामस्थांनी दिनांक 25 सप्टेंबर रोजी सभा घेऊन रस्त्याचे काम मार्गी नं लागल्यास येत्या निवडणूकी वर बहिष्कार टाकण्याचा पवित्रा घेतला आहे. तरी सोनवडे फाटा ते वाशी तर्फे संगमेश्वर शेरेवाडी ते देवशेत, किंजळे पुनर्वसन ते कुळे पुलापर्यंत रस्ता तात्काळ सिमेंट काँकरीटने खड्डे भरून वाहतुकीसाठी योग्य करण्यात यावा. तेर्ये, मुचरी वाशी किंजळे इजिमा 69 या रस्त्यासाठी आवश्यक वीस फूट जागा उपलब्ध असून सदर रस्ता नव्याने मंजूर करण्यात यावा ही ग्रामस्थांची प्रमुख मागणी आहे. यासाठी ग्रामस्थ दिनांक 16 ऑक्टोबर रोजी बुरंबी येथे रास्ता रोको आंदोलन करण्याचा ठाम निर्धार केला आहे. तसे निवेदन संबंधित विभागाला दिला आहे.