रत्नागिरी (वार्ताहर): रत्नागिरी शहरातील प्रभाग क्रमांक ८ मधील मच्छीमार्केट परिसरात घाणीचे साम्राज्य निर्माण झाले असून परिसरात प्रचंड दुर्गंधी पसरली आहे. नाल्यात साचलेला कचरा, प्लास्टिकच्या पिशव्या आणि सांडपाणी यामुळे नागरिकांच्या आरोग्यावर धोका निर्माण झाला आहे. नगर परिषदेचा आरोग्य विभाग झोपेचं सोंग घेत आहे, अशी तीव्र टीका नागरिकांनी केली आहे. वारंवार लेखी आणि तोंडी मागण्या करूनही नगर परिषद प्रशासनाने या ठिकाणच्या स्वच्छतेकडे दुर्लक्ष केल्यामुळे नागरिकांचा संताप ओसंडून वाहत आहे.
या संदर्भात माजी नगरसेवक विकास पाटील यांनी नगर परिषद प्रशासनाकडे मच्छीमार्केट येथील पऱ्यांची स्वच्छता करण्याची मागणी केली. मात्र, नगर परिषदेने “मनुष्यबळ उपलब्ध नाही” असे सांगून ती मागणी थंडपणे फेटाळल्याचा आरोप पाटील यांनी केला आहे. “दिवाळीचा सण तोंडावर आला आहे. नागरिकांना दुर्गंधी आणि घाणीचा त्रास सहन करावा लागतोय. जर मच्छीमार्केट परिसरातील पऱ्यांची तातडीने स्वच्छता करण्यात आली नाही, तर आम्ही स्वच्छता निरीक्षकांना याच पऱ्यावर अंघोळ घालू, असा इशारा आम्ही नगर परिषद प्रशासनाला दिला आहे .” दरम्यान, परिसरातील विक्रेते आणि नागरिक यांनीही नगर परिषदेच्या निष्क्रियतेवर नाराजी व्यक्त केली आहे. दिवाळीसारख्या सणासुदीच्या काळात सुद्धा स्वच्छतेकडे दुर्लक्ष केल्यामुळे परिसरात अस्वच्छता आणि रोगराई पसरण्याची भीती नागरिकांमध्ये व्यक्त होत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.