सावंतवाडी (प्रतिनिधी):- आंबोली पोलीस चेकपोस्ट येथे वाहनांची तपासणी करत असताना, गोवा बनावटीची अवैध दारू घेऊन जाणारी इनोव्हा गाडी (क्र. MH ०२ BD २९१७) पोलिसांनी पाठलाग करून चौकुळ रस्त्यावर पकडली. या कारवाईत पोलिसांनी सुमारे ६ लाख २ हजार रुपयांचा मुद्देमाल जप्त केला असून, दोन आरोपींना ताब्यात घेण्यात आले आहे. मिळालेल्या माहितीनुसार, सावंतवाडीहून कोल्हापूरच्या दिशेने जाणारी इनोव्हा गाडी आंबोली चेकपोस्टवर थांबवण्याचा इशारा दिल्यानंतर न थांबता पळून गेली. पोलिसांनी तातडीने सरकारी वाहनाने तिचा पाठलाग सुरू केला. चौकुळ रस्त्यावर चौकुळ येथील स्थानिक नागरिकांच्या मदतीने रस्ता अडवून ही गाडी थांबवण्यात आली.
गाडीची तपासणी केली असता, त्यात गोवा बनावटीच्या विविध ब्रँडचे २० बॉक्स दारू आढळून आले. या दारूची किंमत १ लाख २ हजार रुपये आहे. दारू वाहतुकीसाठी वापरलेली ५ लाख रुपये किमतीची इनोव्हा गाडी व दारू असा एकूण ६ लाख २ हजार रुपयांचा मुद्देमाल पोलिसांनी जप्त केला आहे. या प्रकरणी पोलिसांनी वाहनचालक सतीश भीमराव आर्दळकर (रा. अडकूर, चंदगड, कोल्हापूर) आणि अविनाश दशरथ पाटील (रा. बोंदुर्डी, चंदगड, कोल्हापूर) या दोघा आरोपींना ताब्यात घेतले असून, त्यांच्यावर गुन्हा नोंद करून अटकेची कारवाई सुरू आहे. ही यशस्वी कारवाई पोलीस अधीक्षक डॉ. मोहन दहिकर, अपर पोलीस अधीक्षक नयोमी साटम, उपविभागीय पोलीस अधिकारी विनोद कांबळे यांच्या मार्गदर्शनाखाली सावंतवाडी पोलीस ठाण्याचे पोलीस निरीक्षक अमोल चव्हाण यांच्या पथकाने केली. पथकात हवालदार संतोष गलोले, रामदास जाधव, लक्ष्मण काळे, मनीष शिंदे आणि गौरव परब यांचा समावेश होता.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.