शिरोडा - भारताचे माजी राष्ट्रपती कै.ए.पी.जे.अब्दुल कलाम यांच्या जयंतीचे व जागतिक वाचन प्रेरणा दिनाचे औचित्य साधून शिरोडा येथील रघुनाथ गणेश खटखटे ग्रंथालयात पुस्तक प्रदर्शन आयोजित करण्यात आले होते. ग्रंथालयाचे कार्यवाह सचिन एकनाथ गावडे व ग्रंथालयाच्या सांस्कृतिक कार्यक्रम समितीचे सदस्य तथा प्रसिद्ध साहित्यिक विनय वामन सौदागर यांच्या उपस्थितीत या प्रदर्शनाचे उद्घाटन करण्यात आले.
प्रारंभी सचिन गावडे व विनय सौदागर यांनी अनुक्रमे कै.ए.पी.जे.अब्दुल कलाम व सरस्वतीच्या प्रतिमेस पुष्पमाला अर्पण करून ग्रंथपाल प्राची पालयेकर व ग्रंथालयाची नियमित वाचक असलेली विद्यार्थिनी श्रीपल्ली लोखंडे यांच्या समवेत दीप प्रज्वलन केले. या पुस्तक प्रदर्शनास शालेय व महाविद्यालयीन विद्यार्थी, तसेच शिक्षक, वाचक, सभासद व ग्रंथालयाचे कर्मचारी उपस्थित होते. दि. ६ जून १९०६ रोजी स्थापन झालेल्या ११९ वर्षे जुन्या या ग्रंथालयातील सुमारे ४८ हजार पुस्तकांपैकी प्रदर्शनात मांडलेल्या महत्त्वाच्या निवडक पुस्तकांचे उद्घाटन कार्यक्रमानंतर उपस्थितांनी अवलोकन केले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.