वरवेली (गणेश किर्वे) - ऐन दिवाळी सणासुदीत शृंगारतळीत वीजबील वसुली मोहिम महावितरण कर्मचाऱ्यांनी सुरु केली आहे. ही वीजबिल वसुली सुमारे ६ लाख रुपये थकीत असून वसुली करताना महावितरण कर्मचाऱ्यांची दमछाक होत आहे तर ग्राहकांचे दिवाळे निघणार आहेत.
शृंगारतळी ही गुहागर तालुक्याची आर्थिक राजधानी. येथे ग्राहकांची मोठ्या प्रमाणात वीजबीले थकीत आहेत. वेळेवर बीले भरली जात नसल्याने प्रत्येक सणासुदीच्या तोंडावर महावितरण कर्मचारी वसुली मोहिम हाती घेतात. घरोघरी फिरुन कर्मचारी वीजबील वसुली करत आहेत. काही ग्राहक दिवाळी सणाचे कारण देत नंतर देऊ असे सांगत वेळ मारुन नेत आहेत. महावितरणला आपल्या वसुलीचे टार्गेट पूर्ण करायचे आहे. अन्यथा त्यांच्यावर वरिष्ठांकडून दबाव येतो. त्यामुळे कर्मचारी दिवसभर वसुलीसाठी फिरताना दिसत आहेत.
शृंगारतळी परिसरात सुमारे ६ लाख वीजबील वसुली थकीत आहे. ही वसुली करण्याचे मोठे आव्हान कर्मचाऱ्यांसमोर आहे. असे असले तरी प्रत्येक सणासुदीला ही मोहिम हाती घेण्यात येत असल्याने अनेक ग्राहकांनी नाराजी व्यक्त केली आहे. इतरवेळा वसुली मोहिम का राबविली जात नाही, असाही सवाल ग्राहकांनी केला आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.