साटेली भेडशीत ’दोन दिवसीय’ बाल क्रीडा स्पर्धांचा जल्लोष!

2025-11-30 00:00:00

टाइम्स स्पेशल

तिलारी (प्रतिनिधी) - शैक्षणिक वर्ष २०२५-२६ च्या साटेली भेडशी केंद्रस्तरीय बाल क्रीडा स्पर्धा नुकत्याच मोठ्या उत्साहात पार पडल्या. दिनांक २८ व २९ नोव्हेंबर असे दोन दिवस चाललेल्या या क्रीडा महोत्सवात ‘अधिक उंच, अधिक जलद’ या घोषवाक्यासह केंद्रातील विविध शाळांनी क्रीडा व सांस्कृतिक प्रकारांत हिरीरीने सहभाग नोंदविला. या दोन दिवसीय क्रीडा कुंभमेळ्यासाठी विविध क्षेत्रातील मान्यवरांची उपस्थिती लाभली. कार्यक्रमास साटेली भेडशीच्या सरपंच छाया धर्णे, परमे गावचे सरपंच प्रथमेश मणेरीकर, कुडासे वानोशी शाळा व्यवस्थापन समितीचे अध्यक्ष सुशांत चारी, परमे अध्यक्ष आनंद नाईक, बोडदे येथील साक्षी नाईक, साटेली भेडशीचे अध्यक्ष यरावंत धर्णे, तसेच उदय गोलम, रामदास मेस्री, वैभव सुतार यांच्यासह विविध शाळांचे व्यवस्थापन समिती सदस्य आणि पालक मोठ्या संख्येने दोन्ही दिवस उपस्थित होते.

https://ratnagiritimes.in//assets/images/2020/add/2020/sky22.jpg

सलग दोन दिवस चाललेल्या या स्पर्धांच्या यशस्वीतेसाठी महेश नाईक यांच्या नेतृत्वाखाली शिक्षकांची टीम कार्यरत होती. यामध्ये रामा गवस, निलेश सावंत, वासुदेव चव्हाण, गोपाळ पाटील, सिध्देश मणेरीकर, मंजुश्री परब, पूनम पालव, दिपक दळवी, दिपक घाडी, सुभाष गेंगजे, शेखर पिसाळ, शेडमाके, ज्ञानेश्वर मंडलिक, माने, तायडे, गावीत व अन्य शिक्षकांनी अत्यंत नियोजनपूर्वक जबाबदारी सांभाळत या स्पर्धा पार पाडल्या. साटेली भेडशी केंद्राचे केंद्रप्रमुख तथा शिक्षण विस्तार अधिकारी सूर्यकांत नाईक यांच्या कुशल नेतृत्वाखाली गेली अनेक वर्षे या क्रीडा स्पर्धा यशस्वी होत आहेत. याही वर्षी पार पडलेल्या या स्पर्धेचे नेटके नियोजन पाहून उपस्थित पालक वर्गाने नाईक यांनी घेतलेल्या मेहनतीचे विशेष कौतुक केले.