केळंबे-लांजा (सिराज नेवरेकर) - लांजा नगरपंचायत निवडणुकीत नगराध्यक्षासह नगरसेवक पदासाठी शिवसेना शिंदे गटातून इच्छुकांची संख्या मोठी होती. मात्र या निवडणूकीत पत्ताच कट झाल्याने काही मातब्बर उमेदवारांची घोर निराशा झाली असून आमदार किरण सांमत यांनी महायुतीतील १५ उमेदवारापैकी १३ नवीन फ्रेश चेह-यांना संधी दिली आहे. लांजा नगरपंचायत निवडणुकीचा धुरळा उडू लागला आहे. नामनिर्देशन पत्र दाखल झाली असून मंगळवार दी. १८ नोव्हेबर रोजी छाननी होणार असून मागे घेण्याच्या तारखेनंतर किती उमेदवार निवडणुकीच्या रिंगणात रहातात तेव्हाच चित्र स्पष्ट होणार आहे. इच्छुक उमेदवारांची संख्या मोठी असल्यामुळेच उमेदवारी कोणाला द्यावी हे नेतृत्वापुढे आव्हान होते.
काही मातब्बर उमेदवारांना या निवडणूकीत उमेदवारी मिळाली नसल्यामुळेच घोर निराशा झाली आहे. त्यामुळे निवडणुकीत डावललेल्या मातब्बर उमेदवारांची निवडणूक प्रक्रियेत नेमकी कोणती निर्णायक भुमिका घेतात याकडे लक्ष वेधले आहे. या निवडणुकीत आमदार किरण सामंत यांनी महायुतीत आपल्याला १५ उमेदवारांपैकी १३ नवीन उमेदवारांना संधी दिली आहे. नगराध्यक्ष पदासाठी सावली सुनिल कुरुप, नगरसेवक पदासाठी निधी निलेश गुरव, पंढरीनाथ बाळकृष्ण मायशेट्ये, श्रध्दा संजय तोडकरी, सानिका समीर जाधव, योगेश गोपीनाथ कावतकर, प्रांजळ प्रथमेश यादव, महेश मधुकर बामणे, निलिमा अशोक कनावजे, साक्षी किशोर मानकर, वैभव यशवंत जाईल, दीपक सखाराम निवळे, शिवन्पा शैलेश काळे हे नवीन फ्रेश चेह-यांना संधी देण्यात आली आहे. तर दीलीप मुजावर आणि मनोहर बाईत या जुन्या दोघांना उमेदवारी देण्यात आली आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.