सावंतवाडी (प्रतिनिधी) - चौथ्यांदा आमदार आणि तब्बल ९ वर्षे नगरपरिषद नगराध्यक्ष म्हणून कार्यभार सांभाळलेले आमदार दीपक केसरकर यांनी सावंतवाडी शहरात शिवसेनेच्या निवडणूक प्रचारात जोरदार आघाडी घेतली आहे. यावेळी प्रचारात कार्यकर्ते उत्स्फूर्तपणे सहभागी होत असून, एकहाती विजयासाठी त्यांनी कंबर कसली आहे. माजी मंत्री, आमदार दीपक केसरकर यांनी शहरात कॉर्नर बैठकांवर भर देत प्रचार सुरू केला आहे. यावेळी नगराध्यक्षपदाच्या उमेदवार ॲड. निता सावंत-कविटकर यांच्यासह सर्व २० नगरसेवक मोठ्या मताधिक्याने विजयी होतील, असा विश्वास केसरकर यांनी व्यक्त केला.
बाहेरचावडा परिसरात प्रभाग १ व ४ मध्ये आमदार केसरकर यांनी जोरदार प्रचार करत आपली राजकीय ताकद दाखवून दिली. त्यांनी नगराध्यक्षपदाच्या उमेदवार ॲड. निता सावंत-कविटकर , नगरसेवक उमेदवार यांच्यासाठी मते मागितली. तसेच, या प्रभागातील उमेदवार ॲड. सायली दुभाषी, प्रसाद नाईक, हर्षा जाधव, आणि बासिर पडवेकर यांना जनता मोठ्या मताधिक्याने निवडून देईल, असा विश्वासही दीपक केसरकर यांनी यावेळी व्यक्त केला. या प्रचारफेरीत शहरप्रमुख खेमराज उर्फ बाबू कुडतरकर, माजी नगरसेवक नासिर शेख, काशिनाथ दुभाषी, बंटी पुरोहित, आबा केसरकर, सचिन साटेलकर आदींसह पदाधिकारी आणि कार्यकर्ते मोठ्या संख्येने उपस्थित होते.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.