मालवण (प्रतिनिधी) - आमदार निलेश राणे यांच्या माध्यमातून वर्षभरात मालवण शहरासाठी कोट्यावधी रुपयाचा निधी आणला असून येत्या काळात नगरपालिकेवर शिवसेनेची सत्ता आल्यास राज्याचे उपमुख्यमंत्री तथा नगरविकास मंत्री एकनाथ शिंदे यांच्या मार्गदर्शनाखाली विकासासाठी निधी कमी पडू देणार नाही, अशी ग्वाही शिवसेना सिंधुदुर्ग जिल्हाप्रमुख दत्ता सामंत यांनी येथे बोलताना दिली. मालवण नगर परिषद प्रभाग ४ मध्ये शिवसेनेच्या उच्च शिक्षित उमेदवार पूनम नागेश चव्हाण यांच्या प्रचार कार्यालयाचे उदघाट्न दत्ता सामंत यांच्या हस्ते करण्यात आले. त्यावेळी दत्ता सामंत हे बोलत होते.
यावेळी शिवसेनेच्या नगराध्यक्ष पदाच्या उमेदवार ममता वराडकर, शिवसेनेचे जिल्हा समन्वयक महेश कांदळगावकर, उपजिल्हाप्रमुख बबन शिंदे, शहरप्रमुख दीपक पाटकर, सिद्धार्थ जाधव, उमेश नेरूरकर, जॉन नरोन्हा, परशुराम पाटकर, अंकित नेरूरकर, नागेश चव्हाण, निकित वराडकर यांच्यासह मोठ्या संख्येने नागरिक व पदाधिकारी उपस्थित होते. यावेळी शिवसेना जिल्हाप्रमुख दत्ता सामंत यांनी आमदार निलेश राणे यांच्या माध्यमातून वर्षभरात झालेल्या कामांचा आढावा घेतला तर नगरसेवक पदाच्या उमेदवार पूनम चव्हाण यांनी आमदार निलेश राणे, जिल्हाप्रमुख दत्ता सामंत यांच्या नेतृत्वाखाली प्रभागाच्या समस्या सोडवण्यासाठी प्रयत्न करण्याची ग्वाही दिली.
यावेळी शिवसेनेचे जिल्हाप्रमुख दत्ता सामंत यांच्या नेतृत्वाखाली शिवसेनेचे शहरातील पदाधिकार्‍यांनी प्रभागातील नागरिकांच्या भेटीगाठी घेत शिवसेनेच्या उमेदवारांना विजयी करण्याचे आवाहन केले. यावेळी प्रभागातील साईराज चव्हाण, सागर गावकर, हर्षदा कारेकर, देवदास गावकर आदींनी शिवसेनेत प्रवेश केला.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.