तुषार पाचलकर (राजापूर) - राजापूर तालुक्यातील पाचल बाजारपेठेतील छत्रपती शिवाजी महाराज चौक येथे 16 नोव्हेंबर रोजी हरवलेले पॉकेट परत मिळाल्याची घटना समोर आली आहे. हे पॉकेट सुरेंद्र तुकाराम शेट्ये (मूळ गाव मूर, तालुका राजापूर. कागदपत्रावरील पत्ता – दिवा, मुंबई) यांचे असून त्यात आधार कार्ड, पॅनकार्ड, विविध बँकांच्या एटीएम कार्डांसह काही महत्वाची कागदपत्र व रोख रक्कम होती. हे हरवलेले पॉकेट पाचल येथील लतीफ थोडगे यांना सापडले. त्यांनी तात्काळ माणुसकीची भूमिका घेत सोशल मीडियावर ‘ज्यांचे असेल त्यांनी संपर्क साधावा’ अशा प्रकारची पोस्ट करण्यासाठी पत्रकारांशी व ग्रामपंचायत सदस्य विनायक सक्रे (सिद्धिविनायक कटपीस सेंटर, पाचल एस. टी. बस थांबा) यांच्याशी संपर्क साधला.
सदर पोस्ट वाचल्यानंतर शेट्ये यांनी तत्काळ सक्रे यांच्याशी संपर्क साधला व आज 17 नोव्हेंबर रोजी सिद्धिविनायक कटपीस सेंटर, पाचल येथे जाऊन त्यांनी हरवलेले पॉकेट आपल्या ताब्यात घेतले. आपल्या प्रामाणिक वर्तणुकीबद्दल कृतज्ञता व्यक्त करत शेट्ये यांनी लतिफ यांना रोख रक्कम भेट म्हणून दिली. लतिफ थोडगे यांच्या इमानदारीचे आणि सामाजिक जबाबदारीचे सर्वत्र कौतुक होत आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.