केळंबे-लांजा (सिराज नेवरेकर) - अनेक दिवसापासून प्रतिक्षेत असणा-या लांजा नगरपंचायतीचे आरक्षण पडल्यानंतर अनेक ईच्छा स्वप्नांना गती आली असुन. लांजा तालुक्यात मोठा पक्ष असलेल्या शिवसेना शिंदे गटात आमदार किरण सांमत यांच्या नेतृत्वाखाली प्रवेश सुरुच आहे. विरोधकच शिल्लक रहातात की नाही? अशी परिस्थिती लांजा तालुक्यात निर्माण झाल्याचे दिसून येत आहे. लांजा नगरपंचायत निवडणुकीत आपल्यालाच उमेदवारी मिळेल या स्वार्थी हेतुने उमेदवारीवर डोळा ठेवून काहीनी प्रवेश केल्याचे बोलले जात आहे. मात्र गेल्या दहा वर्षांत लांजा शहरात झालेला विकास पहाता पायाभूत सुविधांचा अभाव असल्यानेच नागरिकांच्या अपेक्षा वाढल्या आहेत अभ्यासू सुशिक्षित आणी जनमानसात किंमत असलेल्या उमेदवार यांना अधिक पसंती देणार असे काही सुज्ञ नागरिकांमधून बोलले जात आहे. त्यामुळे नशिबाची साथ कोणाला मिळणार याकडे लक्ष वेधले आहे.
नगराध्यक्षपदाचे आरक्षण आणी नगरसेवक यांचे आरक्षण जाहीर झाल्यानंतर नगरपंचायत निवडणुक संदर्भात चर्चा वाढू लागल्या आहेत. अप्रत्यक्षपणे प्रचारालाही वेग आला असल्याचे बोलले जात आहे. उमेदवार चाचपणीला सुरुवात झाली आहे. काही पक्षातून इच्छुक उमेदवारांचे अर्ज ही घेतले गेले असल्याचे समजते. सत्ताधारी शिवसेना पक्षात रहावून निवडुण येण्याचे अधिक चान्सेस असल्यामुळेच इकडून तिकडून कोलांट्या उड्या मारुन शेवटी शिंदे शिवसेना पक्षात प्रवेश केल्याशिवाय गत्यंतर नाही. उमेदवारी मिळाली तर आमदार किरण सांमत यांच्या आशिर्वादाने निवडून येऊ शकतो ही राजकीय धूर्त खेळी काहींकडून वापरली जात असल्याचे बोलले जात आहे. शिंदे शिवसेना पक्षात सर्वाधिक इच्छुक उमेदवारांची संख्या मोठी असल्यामुळे काहीजण गुडघ्याला बाशिंग बांधून उभे असल्याचे बोलले जात आहे. त्यामुळे उमेदवारीची डोकेदुखी ठरणार असल्याचे बोलले जात आहे. काही प्रभागात आजी माजी उमेदवारांमध्ये मोठी रस्सीखेच होण्याची शक्यता असल्याची जोरदार चर्चा आहे.
दरम्यान या निवडणुकीत डीपीप्लॅनचा विषय कळीचा मुद्दा ठरणार आहे डीपीप्लॅनला नागरीकांनी केलेला कडाडून विरोध, डीपीप्लॅन विरोधात एक दीवसाचे केलेले लाक्षणिक उपोषण. त्यामुळे विरोधकांकडून निवडणुकीच्या दरम्यान डीपीप्लॅन चा विषय प्रभावी पणे प्रचार यंत्रणेत राबवण्याची शक्यता असल्याचे बोलले जात आहे. तसेच गेल्या दहा वर्षांत शहराचा म्हणावा तसा विकास झालेला नाही शहरातील नागरीक अद्याप पायाभूत सुविधांपासून वंचित असल्यामुळे भावी नगराध्यक्ष नगरसेवक यांच्याकडून नागरीकांच्या अपेक्षा वाढल्या आहेत. ख-या अर्थाने जनतेचे प्रश्न सोडविणारे प्रतिनिधी असले पाहीजेत असेच नागरीकांतून बोलले जात आहे. त्यामुळे नविन चेह-यांना यावेळी संधी दीली जाईल असे काही राजकीय तज्ञ मंडळीतून बोलले जात आहे. या पार्श्वभूमीवर आमदार किरण सांमत, विरोधकांच्या राजकीय खेळीला कोणत्या पध्दतीने चोख उत्तर देतात हे पहाणे औत्सुक्याचे ठरणार आहे. निवडणुकीचे खरे चित्र हे उमेदवार निश्चित झाल्यानंतर ठरणार असुन सध्या निवडणुकीच्या चर्चाना वेग आला आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.