खेड - (प्रतिनिधी) - क्रीडा व युवक सेवा संचालनालय, महाराष्ट्र राज्य, पुणे अंतर्गत जिल्हा क्रीडा परिषद व जिल्हा क्रीडा अधिकारी कार्यालय, कोल्हापूरद्वारा आयोजित रत्नागिरी जिल्हा योगासन संघटना यांच्या संयुक्त विद्यमाने विभागीय शालेय योगासन स्पर्धा इचलकरंजी येथे संपन्न झाल्या. यामध्ये रोटरी स्कूलच्या विद्यार्थ्यांनी 7 रौप्य पदक व 3 कांस्य पदकाची कमाई केली. सदरच्या जिल्हास्तरीय योगासन स्पर्धेकरिता रत्नागिरी राज्यातील विविध शाळांतील योगापटूंनी आपला सहभाग नोंदविला होता. यामध्ये रोटरी स्कूलच्या विद्यार्थ्यांनी इतर स्पर्धकांशी चुरशीची लढत देत अनेक पदके पटकावून रोटरी स्कूलचे नाव गौरविले आहे.
या जिल्हास्तरीय योगासन स्पर्धेमध्येे 14 वर्षे मुले या वयोगटात रिदमिक या प्रकारामध्ये श्री दळवी व श्लोक दळवी यांनी रौप्य पदक, ट्रॅडिशनल वैयक्तिक या प्रकारामध्ये शाश्वत धुमाळ याने रौप्य पदक, आर्टिस्टिक सांघिक या प्रकारामध्ये शाश्वत धुमाळ व स्पंदन धामणे यांनी रौप्य पदक, आर्टिस्टिक वैयक्तिक या प्रकारामध्ये स्पंदन धामणे याने कांस्य पदक, 19 वर्षे मुली या वयोगटात आर्टिस्टिक सांघिक या प्रकारामध्ये अनुष्का म्हातले, प्रांजल आंबेडे यांनी रौप्य पदक, रिदमिक या प्रकारामध्ये अनुष्का म्हातले, प्रांजल अंबाडे यांनी कांस्य पदक पटकावून यश संपादित केले. वरील सर्व यशस्वी विद्यार्थ्यांवर सर्वच स्तरांतून कौतुकाचा वर्षाव होत आहे.
वरील सर्व योगापटूंना योगा प्रशिक्षक डॉ. गौरव आंब्रे व शितल घाणेकर यांचे मोलाचे मार्गदर्शन लाभले. संस्थेचे चेअरमन बिपीनदादा पाटणे, सर्व पदाधिकारी, शाळेच्या मुख्याध्यापिका भूमिता पटेल, सर्व शिक्षक व शिक्षकेतर कर्मचारी यांनी यशस्वी विद्यार्थ्यांचे अभिनंदन केले.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.