बांदा (प्रतिनिधी) - स्थानिक गुन्हे अन्वेषण शाखेने बांदा पोलीस ठाणे हद्दीत धाडसी कारवाई करत दोन लाख सहा हजार रुपयांच्या दारू आणि दोन मोटरसायकलींसह दोघा तस्करांना अटक केली आहे. ही कारवाई विलवडे बांदा-ओटवणे मार्गावर करण्यात आली. अटक करण्यात आलेल्या संशयितांची नावे निवेल बावतीस बारदेसकर (वय 39, रा. कडगांव, ता. भुदरगड, जि. कोल्हापूर) आणि विठ्ठल गोविंद पाटील (वय 35, रा. कडगांव, ता. भुदरगड, जि. कोल्हापूर, सध्या रा. सोहाळे, ता. आजरा) अशी आहेत. कारवाईत पोलिसांनी एकूण दोन लाख सहा हजार रुपये किमतीचा माल जप्त केला आहे. त्यात एक लाख सत्तर हजार रुपये किमतीच्या दोन मोटरसायकली आणि 36 हजार किमतीची गोवा बनावटीची दारू असा समावेश आहे. ही कारवाई पोलीस अधीक्षक मोहन दहिकर, अप्पर पोलीस अधीक्षक नयोमी साटम यांच्या सुचनेनुसार, पोलीस निरीक्षक प्रवीण कोल्हे यांच्या मार्गदर्शनाखाली पोलीस उपनिरीक्षक सुधीर सावंत, सहाय्यक पोलीस उपनिरीक्षक सुरेश राठोड, तसेच पोलीस अंमलदार अमर कांडर यांनी केली. याप्रकरणी गुन्हा दाखल करण्यात आला असून पुढील तपास सुरू आहे.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.