खेड (प्रतिनिधी)- दापोली येथील सीमाशुल्क विभागाने १७ ऑक्टोबर रोजी दापोली बस स्थानकामागे एका कारमधून सुमारे ४ किलो व्हेल माशाची उलटी जप्त केली ज्याची किंमत कोट्यवधी रुपये आहे. या प्रकरणी चार जणांना अटक करण्यात आली असून त्यामध्ये दाभोळ सागरी पोलीस ठाण्यात कार्यरत असलेल्या पोलीस कर्मचारी संजय धोपट यांचा समावेश आहे. पोलिस कर्मचार्‍याचाच या गुन्ह्यात सहभाग असल्याने परिसरात खळबळ उडाली आहे. सीमाशुल्क विभागाच्या अधिकार्‍यांना व्हेल माशाच्या उलटीची विक्री करण्यासाठी काही संशयित दापोलीत येणार असल्याची गुप्त माहिती मिळाली होती.
त्यानुसार, अधिकार्‍यांनी संशयित कारचा पाठलाग करून ती दापोली बस स्थानकामागे थांबवली. कारची झडती घेतल्यानंतर त्यात व्हेल माशाची उलटी आढळून आली. या कारमधील चार संशयितांना ताब्यात घेण्यात आले. त्यांची चौकशी केल्यानंतर त्यांच्याकडे सापडलेल्या मुद्देमालासह त्यांना दापोली येथील सीमाशुल्क कार्यालयात आणण्यात आले. या प्रकरणी संशयित संजय धोपट, युवराज मोरे, निलेश साळवी आणि सिराज शेख यांच्याविरुद्ध वन्यजीव संरक्षण कायदा १९७२ अंतर्गत गुन्हा दाखल करण्यात आला आहे. यापैकी संजय धोपट हे दाभोळ सागरी पोलीस ठाण्यात कार्यरत असल्याने या कारवाईने पोलीस खात्यातही चर्चांना उधाण आले होते.
सदर गंभीर गुन्ह्याच्या कामी कस्टम ऑफिसर यांनी पोलीस कोठडी तपास काम करता आरोपींची मागितली होती. परंतु माननीय न्यायदंड अधिकारी दापोली यांनी अ‍ॅड. श्रेयस बुटाला यांचा युक्तिवाद ग्राह्य धरून आरोपी यांना न्यायालयीन कोठडीमध्ये घेण्याचा आदेश करून, सदर गुन्ह्याचे कामी आरोपीने जामीनासाठी केलेल्या अर्जावर सरकारी वकील व वन विभाग अधिकारी यांनी दिलेले म्हणणे व अ‍ॅड. श्रेयस बुटाला यांचा युक्तिवाद व माननीय उच्च न्यायालयाचे दिलेले निवाडे विचारात घेऊन आरोपीचा जामीन मंजूर केला.
3 Comments
Denise Barrett
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.
Jesse Cole
Lorem ipsum dolor amet consectetur adipisic elit eiusmod tempor incidid magna aliqu enimad min incididunt labore dolore sed.
Timothy Tyler
Lorem ipsum dolor amet consectetur adipisic elit eiusmod tempor incididunt labore dolore magna aliqu enimad min incididunt ut labore et dolore sed.